| e-texts navigator |
| Wylie |
189a1 པའོ།། །། དེ་ནས་གཞན་ཡང་བཤད་བྱ་བ།། རང་བཞིན་ཏིང་འཛིན་གཟུགས་བརྙན་དང་།། ལྷག་གཉིས་ཏིང་འཛིན་གཟུགས་བརྙན་དང་།། བྱང་ཆུབ་སེམས་དང་ཚོགས་ཉིད་ཀྱི།། དཀྱིལ་འཁོར
189a2 དོན་ནི་བཤད་པར་བྱ།། གང་ཕྱིར་དབང་ཡུལ་རྣམ་ཤེས་ཀུན།། གཞན་སྣང་ཐ་དད་མ་ཡིན་པའི།། མ་ལུས་རང་རིག་བྱང་ཆུབ་སེམས།། མ་བཅོས་རང་བཞིན་འོད་གསལ་བ།། མ་ལུས་ཀུན་གྱི་སྙིང་པོ་སྟེ།། ཕྱོགས་བཅུ
189a3 འདས་དང་མ་བྱོན་པའི།། རྒྱལ་བ་རྣམས་ཀྱི་རང་བཞིན་ཡིན།། འཁོར་དང་མྱ་ངན་འདས་པ་ཡི།། ཆོས་རྣམས་མ་ལུས་ཐམས་ཅད་ཀུན།། སྣ་ཚོགས་རང་བཞིན་དབྱེར་མེད་པ།། དེ་ཉིད་རང་བཞིན་ཆོས་སྐུ་ཡིན།། དེ
189a4 ཉིད་འཇིག་རྟེན་བརྟན་གཡོ་སྟེ།། ཇི་ལྟར་སྣང་གྲགས་ཐམས་ཅད་ཀུན།། ངེས་པའི་རང་བཞིན་བཞི་བཅུ་གཉིས།། རང་བཞིན་ལོངས་སྤྱོད་རྫོགས་སྐུར་བཤད།། དེ་ཉིད་ཕྱག་རྒྱ་སྣ་ཚོགས་ཏེ།། ཀུན་ཏུ་སྐུ་དང་གསུང
189a5 དང་ཐུགས།། ཡོན་ཏན་ཕྲིན་ལས་བསམ་ཡས་མཆོག། རང་བཞིན་སྦྲུལ་སྐུ་བསམ་མི་ཁྱབ།། ཇི་སྙེད་འགྲོ་བ་མ་ལུས་ཀྱི།། ལུས་ཅན་སྙིང་ལ་གང་གནས་པའི།། རང་འབྱུང་ཟག་མེད་ཡེ་ཤེས་གཟུགས།། མི
189a6 ཤིགས་ཐིག་ལེ་བདེ་ཆེན་པོ།། ནམ་མཁའ་ལྟ་བུར་ཀུན་ཁྱབ་པ།། མི་གནས་ཆོས་སྐུའི་རང་བཞིན་ཡིན།། དེ་ཉིད་རྩ་བའི་རང་བཞིན་ལས།། མ་ལུས་སྣོད་བཅུད་རང་བཞིན་ཅན།། རྟོག་པ་མ་ལུས་དཀྱིལ་འཁོར
iiif viewer powered by OpenSeadragon
