| e-texts navigator |
| Wylie |
188b1 ཞུགས་པ་ཡི།། ཕྱི་ནང་གསང་བ་མ་ལུས་པའི།། སྤྱོད་པའི་ཁྱད་པར་ཐམས་ཅད་ཀུན།། འདིར་ནི་རྒྱས་པར་བསྟན་པ་ཡིན།། ཐབས་དང་ཤེས་རབ་ལྡན་གྱུར་པས།། ཕྱི་ནང་གསང་བ་ལ་སོགས་པ།། སྐབས་ལ་བབ
188b2 པའི་རྣལ་འབྱོར་པ།། གང་ཡང་རུང་བས་སྤྱོད་པར་བྱ།། དང་པོ་རྟོགས་ནས་མཐར་ཐུག་པའི།། ཕྱི་ནང་གསང་བའི་ལམ་སྤྱོད་ལ།། སྤྱད་བྱ་ཡུལ་ཞེས་གང་འདོད་དེ།། ཐམས་ཅད་བླང་དོར་མེད་པར་སྤྱོད།། ཐབས་ཀྱི
188b3 ལྟ་སྤྱོད་ཏིང་འཛིན་གྱིས།། པདྨ་ལ་ནི་འདམ་བཞིན་ནམ།། མུན་སྣང་གསེར་འགྱུར་ཐབས་བཞིན་དུ།། ཐབས་ལ་མཁས་པས་སྤྱད་པར་བྱ།། སྐྱེས་མཆོག་ཐབས་དང་ལྡན་པ་ཡིས།། ཞིང་དང་སྤྱོད་ཡུལ་དག་པ
188b4 ལ།། ཆགས་བྲལ་བདེ་བར་གང་སྤྱད་པས།། ནམ་མཁའ་དབྱིངས་ཀྱི་ལོངས་སྤྱོད་ལ།། བདེ་བ་ཆེན་པོར་ལོངས་སྤྱོད་ཅིང་།། ལྷུན་གྱིས་གྲུབ་པའི་བདག་པོར་འགྱུར།། གང་དག་ཐབས་དང་མི་ལྡན་ཞིང་།། དོན་མེད
188b5 ལམ་ལ་མ་འབྲེལ་བར།། སྒྲ་དང་ཚིག་ལ་བརྟེན་པ་ཡིས།། གསང་བའི་སྤྱོད་པ་གང་བརྩམས་པ།། གང་བསྒྲུབ་སྣང་བར་མི་འགྱུར་གྱི།། ནུས་མེད་གཡུལ་དུ་ཞུགས་པ་ལྟར།། བདག་གཞན་གཉིས་ཀ་བརླག་པ
188b6 དང་།། མཐོང་བའི་ཆོས་ལ་སྡུག་བསྔལ་ཞིང་།། ངན་འགྲོ་ལོག་པའི་གནས་སུ་འགྱུར།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་སྤྱོད་པ་རྒྱས་པར་བཤད་པའི་ལེའུ་སྟེ་ལྔ
iiif viewer powered by OpenSeadragon
