| e-texts navigator |
| Wylie |
187b1 པ་རླུང་གི་སྦྱོར་བས་འབྱུང་།། རྣལ་འབྱོར་རིག་པར་སྣང་བ་ཡི།། ཁྱབ་པ་ནམ་མཁའི་འཇིག་རྟེན་ན།། བདེ་ཆེན་མཛེས་པའི་མེ་ཏོག་ལ།། བཅུད་ཀྱི་ཁྱད་པར་གང་གནས་པ།། ཐབས་དང་ཤེས་རབ་འབྲེལ་པ
187b2 ཡི།། ཤེལ་དང་བྱུ་རུའི་བུང་བསྡུས་ནས།། རྣལ་འབྱོར་བཅུད་ཀྱིས་རྒྱས་འགྱུར་ནས།། བཅུ་གསུམ་ས་ལ་ལྷུན་གྱིས་གྲུབ།། འཁྱུད་པའི་གར་ཐབས་ལས་བྱུང་བའི།། བདེ་བ་ཆེན་པོ་མི་རྟོག་པ།། སྐད་ཅིག་ཆ་ལས་བྱུང
187b3 བ་ཡི།། ཟག་མེད་ཡེ་ཤེས་སྙིང་པོ་སྟེ།། མ་ལུས་དྭངས་མའི་བློ་སྣང་བ།། ཞེན་བྲལ་སྟོང་རྟོག་མི་གནས་པ།། དངོས་པོ་ལྷན་ཅིག་སྐྱེས་པ་སྟེ།། མ་ལུས་ཁྱབ་པར་གནས་པ་ཡིན།། འདུ་ཤེས་ཟད་པའི་རང་བཞིན་ཏེ།། སྐྱེ
187b4 དང་འགྲིབ་པའི་ཐིག་ལེ་ཉིད།། བཅོ་ལྔ་རྫོགས་པའི་ཐ་མ་ཉིད།། སྦྱོར་བ་ཀུན་ཟད་སྟོང་པའི་ངང་།། དེ་ཉིད་བྱིན་བརླབས་ལས་གྱུར་པ།། ཕྱོགས་དུས་སྣོད་བཅུད་ངོ་བོ་ཉིད།། ཐིག་ལེ་རྡུལ་བྲལ་ཞེན་པ་མེད།། སྒྱུ་མ
187b5 གཟུགས་བརྙན་བྲག་ཅ་སོགས།། མ་ལུས་བདེ་ཆེན་རང་བཞིན་དུ།། ཐུན་མོང་དྲན་རྟོག་རང་འགགས་ནས།། བདེ་ཆེན་སྒྱུ་མ་མངོན་སུམ་སྣང་།། བདེ་བ་ཆེན་པོའི་སྐུ་གསུང་ཐུགས།། བཅུད་ལྔ་ཞུ་བའི་ཡེ་ཤེས
187b6 རོ།། ཐམས་ཅད་རྩེ་གཅིག་དྲན་པ་ཉིད།། དབྱེར་མེད་ཐབས་དང་ཤེས་རབ་སྟེ།། དྲན་པ་གཅིག་ཏུ་མྱོང་བ་ཉིད།། ཐབས་དང་ཤེས་རབ་འབྲེལ་པ་ཡིས།། ས་ཡ་བཅུ་གསུམ་གྲངས་མེད་པའི།། ཐིག་ལེ་བདེ་བ་ཉིད་སྣང
iiif viewer powered by OpenSeadragon
