| e-texts navigator |
| Wylie |
186b1 འཆར།། གཙང་དང་འཛེམ་པ་བྲལ་གྱུར་ནས།། བཤུང་བ་ལྔ་དང་འདོད་པ་ལྔ།། ཐིག་ལེ་བཅུད་དང་དྭངས་མར་བཅས།། ཐིག་ལེ་ཆེན་པོར་འདྲེས་པས་ན།། མི་འགྱུར་འཆི་མེད་ཚེ་ལ་གནས།། རང་རིག་བདེ་བ་ཆེན་པོ
186b2 ཉིད།། ཐོག་མ་ཐ་མ་མེད་པར་གནས།། ཐིག་ལེ་རྒྱུ་བ་རླུང་དང་བཅས།། ཟག་མེད་དྭངས་མའི་སྙིང་པོར་ཐིམ།། མངོན་ཤེས་ལྔ་ལྡན་ཟག་པ་མེད།། དངས་མའི་སྙིང་པོར་ལམ་མཐར་ཕྱིན།། དེ་ནས་གསང་བ་བཤད་བྱ
186b3 བ།། འཁོར་དང་མྱ་ངན་འདས་པ་དག། ཐབས་དང་ཤེས་རབ་ཁ་སྦྱོར་བའི།། བདེན་གཉིས་ཉི་ཟླའི་ཁྱད་པར་ལས།། མ་ལུས་ཐམས་ཅད་གསལ་བར་སྣང་།། གང་དུ་ཐབས་དང་བྲལ་བ་ཡི།། གནས་དག་བདེ་སྡུག
186b4 བཏང་སྙོམས་དང་།། ལོངས་སྤྱོད་ཚེ་དང་ཁ་དོག་དང་།། བདག་དང་བདག་གིར་ཞེན་བཅས་པའི།། གཟུགས་དང་སྒྲ་དང་དྲི་དང་རོ།། རེག་དང་དྲན་པ་སྣ་ཚོགས་ཀྱིས།། ཞེན་དང་འཆིང་བའི་རང་བཞིན་གྱིས།། རང
186b5 བཞིན་བཞི་ནི་གསལ་བར་འགྱུར།། དེ་ལས་ཐ་མལ་འཁོར་བའི་ལམ།། ཐོག་མ་མེད་ནས་ལུས་གནས་པའི།། བདེ་ཆེན་ནམ་མཁའི་སྙིང་པོ་ཉིད།། ལུས་གཉིས་རྩ་བཅུད་མ་ལུས་པ།། ཐབས་དང་ཤེས་རབ་སྐུ
186b6 གསུང་ཐུགས།། སྲིན་བུ་འཁྲུགས་པའི་ཡི་གེ་ལྟར།། དབང་པོ་གཉིས་དང་འབྲེལ་ཏེ་གནས།། ཐབས་དང་མན་ངག་ལྡན་པ་ཡིས།། རྒྱལ་རིགས་རྗེའུ་དང་བྲམ་ཟེ་དང་།། དམངས་རིགས་ཆོས་མ་གར་མཁན་མ།། རྡོལ
iiif viewer powered by OpenSeadragon
