| e-texts navigator |
| Wylie |
186a1 ཕྱག་རྒྱ་ལྔ།། བསྐྱོད་པ་རླུང་དང་འབར་བ་མེ།། ཐིག་ལེ་ཆུ་དང་འཛིན་པས།། བདེ་ཆེན་ནམ་མཁའི་ཕྱག་རྒྱར་གསལ།། བདེ་བས་བདེ་བའི་དོན་མཐོང་བས།། རྩ་དང་ཐིག་ལེ་རླུང་དག་དང་།། བདེ་བ
186a2 རང་རིག་མ་སྐྱེས་པ།། དེ་ཉིད་བདེ་ཆེན་མི་རྟོག་པ།། རང་རྒྱུད་བྲལ་བས་ཟག་པ་མེད།། རང་རྒྱུད་མེད་པའི་བདེ་བ་ཉིད།། དངས་མའི་ཐིག་ལེས་ཀུན་ཁྱབ་པས།། ཕྱི་ནང་དབང་པོར་བཅས་པ་ཡིས།། བདེ་བ་སྒྱུ་མའི
186a3 རང་བཞིན་འཆར།། མ་ལུས་བདེ་བ་ཆེན་པོ་ཉིད།། དེ་ལ་དེ་ཡིས་རྒྱས་བཏབ་པས།། བདེ་བ་མི་རྟོག་ལྷན་ཅིག་སྐྱེས།། ཕྱག་རྒྱ་གཅིག་ཏུ་གསལ་བར་གནས།། གང་དུ་འཁོར་ལོ་རྩ་བཅུད་ལྡན།། ས་བོན་ཡི་གེ་བདེ་བ
186a4 དང་།། ཁམས་ལྔ་ཡེ་ཤེས་རོ་ལྡན་ཞིང་།། སྟོང་དང་བདེ་བའི་ཐིག་ལེ་འདྲེས།། རྟག་ཏུ་དྲན་པར་གནས་པ་ཉིད།། རེ་རེའང་དེ་ལྟར་གནས་པའི་ཕྱིར།། འཁོར་ལོ་རྩ་བཅུད་ཐིག་ལེར་བཅས།། ལྷ་དང་ཡེ་ཤེས་སྐུ
186a5 གསུང་ཐུགས།། རང་ལུས་སྣང་བ་སྣོད་བཅུད་ཀུན།། སྤྲོས་བཅས་ཕྱག་རྒྱའི་གྲངས་སུ་གསལ།། བཅུད་ལྔ་ཡེ་ཤེས་ཁོ་ནའི་ཕྱིར།། དངས་སྙིགས་དབྱེར་མེད་ཐིག་ལེའི་དོན།། སོ་སོའི་ཁ་དོག་དབྱིབས་ཚུལ་དང་།། སྦས
186a6 པའི་སྐུ་གསུང་ཐུགས་དག་ལ།། དབྱེར་མེད་གསལ་བའི་རིག་པ་ཡིས།། མ་ལུས་བདེ་ཆེན་མངོན་དུ་གསལ།། དེ་ནས་བདེ་བ་ཆེན་པོ་ཉིད།། གར་ཐབས་རླུང་གིས་དབང་བསྒྱུར་ནས།། མ་ལུས་བདེ་བའི་རིག་པ
iiif viewer powered by OpenSeadragon
