| e-texts navigator |
| Wylie |
185b1 ས་བོན་ཅན།། རྩེ་མོའི་འོག་མས་རེག་པའི་ཁམས།། གཏུམ་མོ་སྟེ་འོག་འབར་བའི་རྩ།། སྐྱེས་བུ་ཆགས་པ་སློང་བ་ལྟར།། འདི་དག་བདེ་བ་བསྐྱེད་པ་སྟེ།། གནས་ས་ཚད་དང་བཅས་པར་གནས།། དེ་འོག་གཡོ་བ་རླུང
185b2 གི་རྟེན།། འབྱེད་དང་འཛུམས་པའི་ལས་ཅན་ཉིད།། དེ་དང་དེ་གཉིས་གང་ལྡན་པས།། ལུས་ཀྱི་དངས་སྙིགས་འདིས་འབྱེད་པ།། བྱེ་བྲག་བརྒྱད་ཅུ་རྩ་གཉིས་རྩ།། འདུས་པས་སྐུ་གསུང་ཐུགས་ཡིན་ཏེ།། ལྟེ་བ་ཐུར་དུ
185b3 འཛག་པའི་རྩ།། རྩ་གསུམ་འདོམ་པའི་བདེ་བའི་གནད།། རྒྱུ་བ་རླུང་ནི་ཐིག་ལེའི་རྟེན།། འགྱེད་ཅིང་འདུད་པ་གཡས་གཡོན་ཏེ།། བཅུ་དྲུག་འདུས་པའི་སྲོག་རྩེ་གོང་།། རྩ་གསུམ་མགྲིན་པར་འདུས་པ་ནི།། སྒྲ་སྦྱོར
185b4 འཁོར་ལོ་ངག་གི་གནད།། དེ་ནས་དངས་མའི་ཐིག་ལེ་ལ།། མ་ལུས་འདུས་པའི་ཚུལ་དུ་གནས།། རིག་པའི་རྩ་ལ་བཅུད་འདུས་པས།། ཐོགས་མེད་གསལ་བའི་མངོན་ཤེས་འབྱུང་།། ཕྱི་རོལ་ཟག་པའི་རྩ་ཉིད
185b5 ལ།། བདེ་བ་ཆེན་པོའི་བཅུད་འདུས་པས།། བདེ་ཆེན་ཉམས་ཉིད་སྐྱེ་བར་འགྱུར།། ཆོས་ཉིད་ཐིག་ལེ་མི་གཡོ་བ།། དངས་མ་འདུས་པའི་བཅུད་ཐིམ་པས།། ཡེ་ཤེས་ལྔ་དང་ལྡན་པ་ཡི།། ཟག་མེད་ཡེ་ཤེས་བདེ་བ
185b6 ཆེ།། ནམ་མཁའི་དབྱིངས་ནི་རྒྱ་ཆེ་བ།། ཐོག་མཐའ་མེད་པར་ཁྱབ་པར་འགྱུར།། འདི་ཉིད་རྟོགས་དང་མ་རྟོགས་ལས།། འཁོར་དང་མྱ་ངན་འདས་པ་ཡི།། སྤྱོད་པ་སྣ་ཚོགས་འབྱུང་བར་འགྱུར།། ཐབས་ཀྱི་ཁྱད་པར
iiif viewer powered by OpenSeadragon
