| e-texts navigator |
| Wylie |
183a1 པས།། ཀུན་ལ་སྙིང་རྗེའི་སྤྱོད་པ་དག། དམ་པ་འདི་ནི་སྤྱད་པར་བྱ།། རང་བཞིན་ཆེད་དུ་དམིགས་པ་དང་།། ཁྱབ་དང་ཤུགས་ལས་གང་བྱུང་བའི།། སྙིང་རྗེའི་སྤྱོད་པར་རྣམ་པར་སྤྱད།། དེ་ནས་སྒྱུ་མ་ལྟ
183a2 བུ་ཉིད།། རང་ཉིད་ཕྱོགས་མེད་སྣང་བ་ཡིས།། ཅིར་ཡང་བསྐུར་དུ་རུང་བའི་ཕྱིར།། རིག་པ་དབུ་མར་གང་གསལ་བ།། ཉི་ཟླ་བརྩེགས་པའི་གདན་དུ་འབར།། ས་བོན་གང་ལས་ཐབས་ཆོ་གས།། འཕྲོ་འདུ་ཞུ་ནས
183a3 མངོན་གྱུར་པ།། རྡོ་རྗེ་གསུམ་གྱི་ངོ་བོར་སྣང་།། དེ་ཉིད་གཅིག་དང་ལྔ་གསུམ་གྱིས།། བརྟན་འབར་མཛེས་པར་གསལ་གྱུར་ཏེ།། མདུན་དང་གཞན་དུ་སྐབས་དག་སྦྱོར།། གཅིག་དང་ངེས་མེད་རིམ་པ་དང་།། འཁོར
183a4 ལོ་ཞེས་བྱ་བཞི་རུ་གྱུར།། གང་གིས་གང་དེ་མ་བརྟེན་པར།། འཕྲོ་འདུ་བསྒོམས་པ་དོན་མེད་དེ།། སྐྱོན་བྲལ་གསལ་བརྟན་འདྲིས་པ་ཡིས།། གང་བསྒོམས་གསལ་བར་མངོན་དུ་འགྱུར།། ཐ་མལ་ཞེན་རྟོག་ཟློག་པ
183a5 དང་། ལམ་གྱི་འབྲེལ་པར་བྱ་བ་དང་།། དངོས་གྲུབ་འབྲས་ལ་མྱུར་འཇུག་པས།། རྟགས་ཀྱི་ལྷ་ནི་བསྒོམ་པར་བྱ།། དེ་ལྟར་བརྟན་འགྱུར་གསལ་བ་ལ།། བདག་གཞན་ཕྱི་ནང་མ་ལུས་པའི།། སྒོ་གསུམ་སྐུ
183a6 གསུང་ཐུགས་གསལ་བས།། ཐུན་མོང་སྤྱོད་པ་རྣམ་བཅད་ལ།། སྒོ་གསུམ་མཉམ་བཞག་རྗེས་ཐོབ་མེད།། གང་གིས་དེ་ལྟར་གསལ་བྱའི་ཕྱིར།། ཕྱོགས་གཅིག་སྤྱོད་པ་བརྩམ་པར་བྱ།། དེ་ནས་རྩ་བ་གོམས་པ
iiif viewer powered by OpenSeadragon
