| e-texts navigator |
| Wylie |
181b1 ཉིད།། ཇི་ལྟར་བསམ་ཞིང་བརྟགས་པ་ལྟར།། རང་བཞིན་དབྱེ་བ་མེད་པའི་ཕྱིར།། སྒོ་གསུམ་བྱེད་སྤྱོད་བསམ་མི་ཁྱབ།། ཐབས་དང་ཤེས་རབ་རང་བཞིན་གྱིས།། མ་ལུས་སངས་རྒྱས་གནས་གྱུར་ཀྱང་།། མ
181b2 རྟོགས་ཐབས་དང་བྲལ་བའི་ཕྱིར།། བདེ་སྡུག་སྣ་ཚོགས་བསམ་མི་ཁྱབ།། ཐབས་ཆེན་དག་དང་ལྡན་པ་ལ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ཆེན་པོ་དག། བྱང་ཆུབ་ལམ་དུ་བདེ་བར
181b3 བཤད།། ཐབས་དང་མི་ལྡན་སྐྱེ་བོ་ཡིས།། ཐབས་དང་བྱ་བ་སྣ་ཚོགས་ཀྱིས།། མཛད་སྤྱོད་དཀའ་བ་སྣ་ཚོགས་པ།། མི་དང་ལྷ་ལས་ཐར་པ་མེད།། དཔེར་ན་དུག་དང་ལྡན་པ་ལ།། ཐབས་ཀྱི་ཁྱད་པར་ཇི་བཞིན
181b4 དུ།། རྟོགས་པའི་ཁྱད་པར་ཇི་བཞིན་དུ།། བདེ་དང་སྡུག་བསྔལ་སྣ་ཚོགས་རྒྱུན།། རང་བཞིན་གཉིས་མེད་དག་པ་ལས།། བརྟགས་པའི་བྱེ་བྲག་ཁྱད་པར་གྱིས།། མི་མཐུན་བདེ་སྡུག་སྣ་ཚོགས་མྱོང་།། མ
181b5 བཅོས་དབྱིངས་ལས་གཡོས་པ་མེད།། གང་དག་ཐུན་མོང་ངོ་དག་ལས།། ལས་དང་བྱ་བ་སྒོ་ནས་ནི།། སྤྱད་དང་སྤྱོད་དང་སྤྱོད་འགྱུར་ཕྱིར།། འདི་སྐད་སྤྱོད་པས་སྤྱོད་པར་གསུངས།། རང་བཞིན་རྒྱལ་བའི་སྤྱོད་པ
181b6 ཡིས།། ཆུ་དང་རླབས་ལྟར་ཁྱབ་གྱུར་ཀྱང་།། སྤོང་ལེན་བྱ་བ་སྣ་ཚོགས་ལས།། སྤྱོད་པ་ཐབས་ཀྱིས་ཟིན་པ་མེད།། གང་ཕྱིར་ཐབས་དང་ཤེས་རབ་དང་།། སྒྲ་དང་རྟོགས་པ་སྣ་ཚོགས་ཀྱིས།། ཐུན་མོང་ཡུལ་དུ་མ་གྱུར
iiif viewer powered by OpenSeadragon
