| e-texts navigator |
| Wylie |
181a1 ལས་འཆར།། ཆོས་རྣམས་འབྲས་བུར་ལྷུན་རྫོགས་པའི།། བདག་དང་གཞན་དོན་ལྷུན་རྫོགས་པ།། མ་བཅོས་ཇི་བཞིན་དང་བཞག་ལས།། ལྷུན་གྱིས་གྲུབ་པའི་དཀྱིལ་འཁོར་འབྱུང་།། གང་དག་གང་ལ
181a2 གང་བརྟེན་པས།། ལྷུན་གྱིས་གྲུབ་པས་འབྲས་བུ་ཉིད།། མ་བཅོས་སྒྱུ་མ་ལྷུན་གྲུབ་ཉིད།། དུས་བཞི་ཕྱོགས་བཅུ་མ་ལུས་པར།། ལྷུན་གྲུབ་འབྲས་བུར་རང་སྣང་བའོ།། རྡོ་རྗེ་སེམས་དཔའི་སྒྱུ་འཕྲུལ་དྲ་བ་གསང་བ་མེ
181a3 ལོང་གི་རྒྱུད་ཆེན་པོ་ལས་ལྟ་བ་མ་ལུས་པ་བཤད་པའི་ལེའུ་སྟེ་བཞི་པའོ།། །། དེ་ནས་གཞན་ཡང་བཤད་བྱ་བ།། སྒྱུ་འཕྲུལ་དྲ་བ་མངོན་རྫོགས་པའི།། སྤྱོད་པའི་ཁྱད་པར་མ་ལུས་པ།། འདི་དག་བཤད་པར་བྱ་བ
181a4 སྟེ།། རང་བཞིན་ཐབས་དང་མངོན་གྱུར་ལས།། སྤྱོད་པ་མ་ལུས་བསྟན་པ་ཡིན།། ཨེ་མའོ་རང་རིག་སྙིང་པོ་ལས།། བདེ་སྡུག་གནས་དང་ལོངས་སྤྱོད་དང་།། ཚེ་དང་ཁ་དོག་ལ་སོགས་པ།། ལ་ལར་མངོན་པར་ཆགས
181a5 པ་སྟེ།། ལ་ལར་དྲག་ཤུལ་ཞེ་སྡང་སྤྱོད།། ལ་ལར་རི་བོས་ནོན་པ་ཉིད།། ལ་ལར་ལྡོངས་པའི་མུན་པ་ཉིད།། ལ་ལར་ཕྲག་དོག་སྣང་བ་ཡིན།། ལ་ལར་སེར་སྣ་འཐབ་རྩོད་དེ།། ལ་ལར་འཆལ་དང་བྱ་བ་བཏང་།། རྩོལ
181a6 དང་མི་རྩོལ་ལ་སོགས་པ།། དེ་ལ་སོགས་པ་མཐའ་ཡས་རྙེད།། ཆོས་དབྱིངས་མཐའ་ཡས་མུ་མེད་པའི།། ནམ་མཁའ་དབྱིངས་ནི་མཐའ་ཡས་པར།། སྤྱོད་པའི་ཁྱད་པར་དེ་ཉིད་དོ།། རང་འབྱུང་ཐབས་ཀྱི་སྤྱོད་པ
iiif viewer powered by OpenSeadragon
