| e-texts navigator |
| Wylie |
180b1 ཀུན་རྫོབ་དབྱེར་མེད་པའི།། བདེན་བཞི་དབྱེར་མེད་དྭངས་མ་ཉིད།། མ་ལུས་ཁྱབ་པའི་ཚུལ་གྱིས་སྣང་།། ཐབས་དང་ཤེས་རབ་གཉིས་མེད་པའི།། ཐིག་ལེ་གཅིག་དང་དུ་མ་ཉིད།། བྲལ་བའི་ཡེ་ཤེས་ཆེན་པོ
180b2 ཉིད།། གཅིག་དང་དུ་མ་ལས་གྲོལ་བའོ།། བཅུད་འདུས་ཐིག་ལེ་གཉིས་རོ་རྒྱུ།། རླུང་དང་གདམས་ངག་རྐྱེན་ལྡན་པས།། འབྲས་བུ་ལྷན་ཅིག་སྐྱེས་པར་སྣང་།། རང་ལ་གནས་པ་ཐབས་ཀྱིས་གསལ།། ཐབས་དང་ཤེས
180b3 རབ་འབྲེལ་བའི་རོ།། རྩ་ཡིག་བཅས་པ་བཅུད་འདུས་པས།། ཐབས་དང་རླུང་གི་གདམས་པ་ཡིས།། མ་ལུས་ལྷན་སྐྱེས་མངོན་སུམ་གསལ།། བདེ་དང་སྟོང་ཉིད་མི་ཕྱེད་པ།། རང་རིག་བདེ་ཆེན་མ་སྐྱེས་གཟུགས།། མ
180b4 ལུས་འོད་དང་རྣམ་པ་ལྟར།། དབྱེར་མེད་ཚུལ་དང་རང་སྣང་བའོ།། བདེ་བས་བསྐྱེད་པའི་རྟོག་པ་ལྔ།། རྩ་བ་ཡན་ལག་བཅས་པ་ཉིད།། མ་ལུས་ཡེ་ཤེས་ཆེན་པོ་ཉིད།། ཡེ་ཤེས་ལྔ་ཡི་རྒྱས་བཏབ་པའོ།། དབང་པོ་སྣོད
180b5 བཅུད་བཅས་པ་ཡིས།། ཡབ་ཡུམ་འབྲེལ་པར་བཅས་པའི་བཅུད།། སེམས་ལྔའི་རྒྱུད་དུ་རང་སྣང་བ།། མཉམ་པ་བཞི་ཡི་ཚུལ་དུ་གསལ།། དེ་ལ་སོགས་པ་མཐའ་ཡས་པའི།། ཕྱི་ནང་གསང་བ་མཐར་ཟུག
180b6 པའི།། གཏན་ཚིགས་མཐའ་ཡས་བཤད་པ་སྟེ།། རྡོ་རྗེ་མེ་ལོང་བཤད་པའི་རྒྱུད།། གང་གིས་རྟོགས་པ་དེ་ཉིད་ནི།། མ་ལུས་རང་སྣང་སྐུ་གསུང་ཐུགས།། ཡོན་ཏན་ཕྲིན་ལས་རང་སྣང་བ།། ཟག་མེད་རང་འབྱུང་ངང
iiif viewer powered by OpenSeadragon
