| e-texts navigator |
| Wylie |
180a1 སྣང་བ།། ཆུ་དང་རླབས་བཞིན་གཅིག་པས་ན།། དེ་དང་དེར་གཅིག་དབྱེར་མེད་པས།། དངོས་པོ་ལོ་རྒྱུས་ཉིད་ཀྱིས་ཤེས།། འཁོར་དང་མྱ་ངན་འདས་པ་ཡི།། རྩ་བ་ཆགས་སྡང་ལྔ་ཉིད་དེ།། གཞི་རྩམ
180a2 བཅོས་སྐད་ཅིག་མ།། དེ་ཉིད་རང་སྤྱིར་གང་སྣང་བ།། རྟོགས་པས་སྤྱི་དང་རང་མཚན་ཤེས།། སྣོད་བཅུད་རྒྱུད་རྣམས་མཐའ་ཡས་དང་།། མཉམ་གཉིས་ལྷག་པའི་མཉམ་གཉིས་ཀྱིས།། དངོས་པོ་སྣང་གྲགས་ཆོས
180a3 རྣམས་ཀུན།། མ་བཅོས་དེ་བཞིན་ཉིད་དུ་གནས།། མ་ལུས་སྙིང་པོ་ཐིག་ལེ་དང་།། ལྔ་བདག་བརྒྱད་ཅུ་རྩ་གཉིས་རྒྱུ།། ས་ཡ་བཅུ་གསུམ་རྩ་ཡན་ལག། རོ་དང་གནས་སྐབས་ཀུན་ལས་གྲོལ།། དང་པོ་གནས་དག
180a4 གཉིས་པ་གཉིས།། གསུམ་པ་མ་ལུས་ཁྱབ་བྱེད་པ།། ཉམས་སུ་མྱོང་བྱེད་གཏན་ཚིགས་སོ།། ཐིག་ལེ་གནས་དང་ཡིག་འབྲུ་དང་།། དེ་ཡི་བྱིན་བརླབས་འདྲེས་པ་ཡིས།། བདེ་བ་ཆེན་པོ་མངོན་དུ་སྣང་།། ཆུ་ལས་ཆུ
180a5 བོཔོ་ཐ་དད་དེ།། རྒྱ་མཚོ་ལས་ནི་ཆུ་ཐིགས་དང་།། ལམ་དང་ཞིང་སའི་འབྲས་བུ་ལྟར།། ཐབས་ཀྱི་ཁྱད་པར་སྣང་བ་ཡིན།། དངས་མ་ལྔ་ལས་གང་བྱུང་བ།། ཇི་སྙེད་ལུས་སེམས་རྩ་ཐིག་ལེ།། ཁམས་ལྔའི་རོ་དང་བཅུད
180a6 སྣང་བ།། ཡེ་ཤེས་ཆེན་པོར་གཏོགས་པ་ཡིན།། གསུམ་དངོས་བརྒྱད་སོགས་ཁ་དོག་གྲངས།། གནས་པ་གང་ཡིན་དེ་སྣོད་དེ།། སོ་སོའི་བཅུད་ཀྱི་ཁྱད་པར་ལས།། བྱང་ཆུབ་སེམས་ཉིད་གསལ་བར་སྣང་།། དོན་དམ
iiif viewer powered by OpenSeadragon
