| e-texts navigator |
| Wylie |
17b1 རྒྱས་ཀུན་གྱི་རང་བཞིན་ཏེ།། ཡེ་ཤེས་ལྔ་ཡི་དབང་བསྐུར་ཕྱིར།། དབུ་རྒྱན་ཅོད་པན་ལྡན་པར་བརྗོད།། གནས་གསུམ་ཡི་གེའི་རང་བཞིན་ཉིད།། སངས་རྒྱས་ཀུན་གྱིས་བྱིན་བརླབས་པ།། ཐིམ་པས་གཟི་བྱིན་བསྐྱེད
17b2 པ་སྟེ།། སྐུ་གསུང་ཐུགས་ཀྱི་རང་བཞིན་ནོ།། དངས་མ་འདུས་པའི་ཐིག་ལེ་ལ།། ཡེ་ཤེས་ལྷུན་རྫོགས་ལྔ་ཡི་རོས།། མ་ལུས་ཀུན་ལ་རྒྱས་བཏབ་པས།། ཡེ་ཤེས་ལྔ་ཡི་ཚུལ་དུ་གནས།། ཉི་ཟླ་འདུས་པའི་ཐིག་ལེ
17b3 ཉིད།། རྔམས་དང་ཐབས་ཀྱི་རང་བཞིན་ལས།། གསང་བའི་ཡེ་ཤེས་ལྔ་ཡི་རོས།། ཁྱབ་པས་གཉིས་སུ་མེད་པར་གསལ།། འཁོར་ལོ་གསུམ་གྱི་ཐིག་ལེ་ཉིད།། ཡི་གེ་གསུམ་དུ་རང་གནས་པས།། ཐབས་ཀྱི་སྦྱོར་བས
17b4 གཉིས་སུ་མེད།། སྐུ་གསུང་ཐུགས་ཀྱི་སྦྱོར་བའོ།། གཡས་གཡོན་ཐིག་ལེ་དབུས་གནས་པས།། ཡབ་ཡུམ་བདེ་བའི་ཐབས་དང་བཅས།། རང་ལུས་བདེ་ཆེན་གསལ་འབར་གནས།། སྐུ་གསུང་ཐུགས་ཀྱི་ཕྱག་རྒྱར
17b5 སྣང་།། གཞན་ཡང་གསུང་གི་ཕྱག་རྒྱ་མཆོག། ཇི་ལྟར་འདུལ་བ་དེ་ཉིད་དུ།། རྟོགས་འདུལ་གཉེན་པོ་ཐབས་སུ་སྣང་།། དེ་ཉིད་མཚན་མར་བསམ་མི་ཁྱབ།། སངས་རྒྱས་མ་ལུས་ཕྱོགས་བཅུ་རྣམས།། ཐུགས་རྗེ་ཡེ
17b6 ཤེས་སྣ་ཚོགས་ཀྱིས།། གསུང་གིས་དེ་ལྟར་བསྟན་པའི་ཕྱིར།། གསུང་གི་ཕྱག་རྒྱའི་ངོ་བོར་ཤར།། བརྗོད་དང་བརྗོད་བྱ་དབྱེར་མེད་པའི།། རང་བྱུང་གསུང་གི་དཀྱིལ་འཁོར་ཉིད།། མ་ལུས་འདུས་པའི་གསུང་མཆོག
iiif viewer powered by OpenSeadragon
