| e-texts navigator |
| Wylie |
179b1 ཡང་།། ནམ་མཁའ་དང་བའི་རང་བཞིན་ལས།། ཉི་ཟླ་གཟའ་སྐར་སྤྲིན་ཁུ་རླངས།། རང་འབྱུང་རང་དྭངས་འགྱུར་མེད་ལྟར།། ཇི་ལྟར་སྣང་བའི་ཆོས་རྣམས་ཀུན།། དངོས་དབང་དོན་ལས་མ་གཡོས་པས།། དེ་དག་དེ
179b2 ལྟར་ཉིད་སྣང་བས།། དེ་ཉིད་ནམ་མཁའི་ཁོངས་སུ་འདུ།། དེ་ནས་གཏན་ཚིགས་བཤད་པར་བྱ།། མ་ལུས་འགྲོ་བ་ཐམས་ཅད་ལ།། བྱང་ཆུབ་སྙིང་པོས་ཀུན་ཁྱབ་པས།། ཀུན་གྱིས་མཐོང་གོམས་བྱ་དགོས་པས།། སོ
179b3 སོ་ཐུན་མོང་གཏན་ཚིགས་དང་།། ཐུན་མོང་མ་ཡིན་ལ་སོགས་པ།། རྒྱ་མཚོ་ཀློང་དང་ཆུ་བོ་ལྟར།། མ་ལུས་འདུལ་ཤིང་འབྱུང་བ་ཡིན།། ཐུན་མོང་བཞི་སོགས་གང་ཡིན་པ།། ལོག་ལྷ་ཕྱོགས་འཛིན་དགག་པ
179b4 དང་།། དངོས་དབང་ཐབས་དང་འབྲེལ་མཚོན་ཕྱིར།། ཐུན་མོང་གཏན་ཚིགས་བརྗོད་པ་ཡིན།། གང་ཕྱིར་གཏན་ཚིགས་ཐམས་ཅད་ཀྱིས།། རང་ལས་འཕྲུལ་ཕྱིར་མེ་ལོང་ཉིད།། མ་ལུས་གཅིག་དང་ཐ་དད་མིན།། གང
179b5 གི་མཐའ་ལས་ཡོངས་གྲོལ་ཏེ།། དབུས་སུ་གཟུང་མེད་གཏན་ལ་ཕེབས།། གཅིག་དང་དུ་མ་བྲལ་བའོ།། རྒྱུ་དང་རྐྱེན་དང་འབྲས་བུ་སྟེ།། ཐབས་དེ་གདོད་ནས་དག་པ་གསུམ།། མ་ལུས་རང་སྣང་རྟོགས་པ
179b6 ཉིད།། མཚན་ཉིད་དེ་ཡི་མཚན་ཉིད་དོ།། རྒྱུ་གཅིག་པ་དང་ཡིག་འབྲུའི་ཚུལ།། བྱིན་གྱིས་བརླབས་དང་མངོན་སུམ་པ།། མ་ལུས་རྟོགས་པ་བཞིར་ཤར་ཏེ།། དེ་ཉིད་རྟོགས་པ་བཞིར་སྣང་ངོ་།། མ་སྐྱེས་དང་ལས་གང
iiif viewer powered by OpenSeadragon
