| e-texts navigator |
| Wylie |
179a1 འཛིན་པའི་ས།། དེ་དག་ལས་མཐུན་ཁྱད་པར་ཉིད།། དེ་ཁོ་ན་ཉིད་བཞི་རྟོགས་ནས།། ལས་དང་ཏིང་འཛིན་འབྲེལ་གོམས་པས།། རྡོ་རྗེ་འཆང་བའི་ས་ལ་གནས།། ཏིང་འཛིན་རིག་པ་གཙོར་བྱས
179a2 ནས།། སྔགས་དང་ཕྱག་རྒྱ་བསམ་པ་ཡིས།། ཆ་ལུགས་ཇི་བཞིན་མངོན་སྦྱར་ཏེ།། གོམས་པས་བདག་གཞན་དོན་གྲུབ་པའོ།། ཐབས་དང་གྲོལ་བའི་ཁྱད་པར་གྱིས།། དབང་པོ་ཡུལ་དང་རྣམ་ཤེས་དང་།། སྣང་སྲིད་ཕྱི
179a3 ནང་སྣོད་བཅུད་ཀྱི།། སྤྱོད་ཡུལ་ཇི་ལྟར་འགྱུར་བ་ཀུན།། ཐབས་དང་ཤེས་རབ་དབྱེར་མེད་པའི།། གསང་བའི་ཐབས་ཀྱིས་རྒྱས་བཏབ་པས།། མ་ལུས་རྡོ་རྗེ་ཉིད་དུ་འགྱུར།། སྣང་སྲིད་དཔའ་བོ་ཐབས་ཆེན་དེ།། རང
179a4 བཞིན་དབྱེར་མེད་དག་པ་ཡི།། སྣ་ཚོགས་འཕྲུལ་པ་རང་སྣང་བས།། མ་ལུས་གཉིས་མེད་ཡེ་ཤེས་ཡིན།། ཐབས་དང་ཤེས་རབ་གཉིས་མེད་པའི།། ཐབས་དང་རིག་པ་གང་ཟིན་པ།། གཞན་གྱིས་དོར་བའི་འཁོར་བའི
179a5 ཆོས།། ཡེ་ཤེས་བདུད་རྩིའི་ངོ་བོར་འགྱུར།། མ་ལུས་གཅིག་དང་ཐ་བྲལ་བའི།། ཇི་ལྟར་མཐུན་པའི་སྙིང་པོ་ལ།། སོ་སོའི་དོན་ལྟར་མི་གནས་པས།། བསྐྱེད་པ་ལྷ་དང་གཞལ་ཡས་དང་།། རྫོགས་པ་ནམ་མཁའི་ཡེ
179a6 ཤེས་དང་།། དངོས་པོ་ལྷན་ཅིག་སྐྱེས་པ་རུ།། སྣང་བ་རྐྱེན་གྱིས་སྒྱུར་བ་ལྟར།། མ་ལུས་དེ་ཡི་ངོ་བོར་འགྱུར།། དེ་དག་བལྟས་པའི་ཁྱད་པར་གྱིས།། རང་རེའི་མོས་དང་བསམ་པ་དང་།། ནུས་པའི་རིམ་པ་ཅིར་སྣང
iiif viewer powered by OpenSeadragon
