| e-texts navigator |
| Wylie |
178b1 དཀའ་ཐུབ་ཀྱིས།། གང་བསྟན་དེ་ཡི་བྱིན་བརླབས་ཀྱིས།། བདག་གཞན་ཕན་པར་གང་འདོད་པའོ།། གང་ལས་གྱུར་པ་དེ་ཞིག་པས།། ལུས་སེམས་འབྱུང་བའི་བག་ལ་གནས།། ཕྱིན་ཅད་ཕན་གནོད་ཆོས་མེད
178b2 པས།། དཀའ་ཐུབ་འབད་རྩོལ་མི་དགོས་སོ།། གང་ཕྱིར་བྱེད་པའི་རྒྱུ་བཞི་དག། མཉེས་དང་དག་པས་བདེ་བྱའི་ཕྱིར།། ལས་དང་དཀའ་ཐུབ་དྲག་ཤུལ་གྱིས།། གྲོལ་ཞིང་ཐར་བར་འདོད་པར་སྣང་།། བདེན་བཞི་བཅུ
178b3 དྲུག་ཐ་དད་ལམ།། ཁམས་གསུམ་མཐོང་སྒོམ་སྤོང་ཚུལ་གྱིས།། རང་དོན་ཟག་པ་ཀུན་བྲལ་ནས།། རང་དོན་ནང་དུ་མྱ་ངན་འདས།། རྐྱེན་རྟོགས་བག་ཆགས་སད་པ་ཡིས།། འབྱུང་མེད་བཅུ་གཉིས་རང་བརྟགས
178b4 ནས།། མ་རིག་འཁྲུལ་འཁོར་རྒྱུ་འབྲས་ཟད།། ཡིད་བཞིན་བདེ་བ་མཆོག་གི་ས།། ཐ་དད་མེད་པའི་རིག་པའི་སེམས།། བདེན་བརྫུན་ཁྱད་པར་ཅིར་བལྟས་པ།། གསལ་ལ་མི་རྟོག་སྙིང་པོ་ཉིད།། བདག་གཞན་ནུས
178b5 པའི་སྟོབས་སུ་སྣང་།། ཆོས་རྣམས་སྒྱུ་མ་མིག་ཡོར་དང་།། བྲག་ཅ་ཆུ་ཟླ་འདྲ་བ་ཡི།། དེ་ཉིད་མཐའ་དབུས་བྲལ་བ་ནི།། བདེན་གཉིས་འབྲེལ་པ་དབུ་མའི་ཚུལ།། རྡོ་རྗེ་དམ་པ་གསུམ་བཀོད་དེ།། དངོས་པོ་སྒྱུ་མ་ལས
178b6 གྲོལ་ནས།། དག་པའི་རྟེན་འབྲེལ་ལ་བརྟེན་ནས།། ཡེ་ཤེས་སྒྱུ་མ་མངོན་སུམ་ཤར།། གང་ཕྱིར་ལས་དང་བྱ་བ་དང་།། ཁྲུས་དང་གཙང་སྦྲ་ལ་བརྟེན་ནས།། སྔགས་དང་ཕྱག་རྒྱའི་མཐུ་སྟོབས་ཀྱིས།། སྒོ་གསུམ་རྡོ་རྗེ
iiif viewer powered by OpenSeadragon
