| e-texts navigator |
| Wylie |
178a1 ཚོགས་སུ་གྱུར་པ་ཡིན།། མུན་སྣང་དུག་དང་གསེར་འགྱུར་རྩི།། ཐབས་མཁས་རང་བཞིན་ངེས་འགྱུར་ལྟར།། གང་དེའི་ལྷ་སྤྱོད་ཏིང་འཛིན་གྱིས།། དེ་མ་ཟག་ཏུ་དེ་བཞིན་འགྱུར།། དབྱེར་མེད་ནམ
178a2 མཁའི་རང་བཞིན་དུ།། ཁ་དོག་དབྱིབས་དང་རྫས་ལ་སོགས།། མ་ལུས་ཐ་དད་མེད་པ་ལྟར།། ཐབས་མཁས་མ་ལུས་དེ་བཞིན་འགྱུར།། ཐ་མལ་པ་དང་ལོག་པ་དང་།། དཀའ་ཐུབ་ཅན་དང་རྐྱེན་རྟོགས་དང་།། ཕྱི་ནང
178a3 ཅན་དང་ཐ་དད་ཅན།། གཙང་སྨེ་ཅན་དང་ཕྱོགས་རྟོགས་ཉིད།། མཉམ་ཉིད་ལྟ་ལས་གང་འདས་པ།། ངོ་བོ་ཉིད་དང་ཐབས་དག་དང་།། དབང་པོ་ལ་སོགས་ལོག་པ་ཡིས།། དེ་ཉིད་གནོད་པའི་སྟོབས་སུ་འགྱུར།། གང
178a4 ལ་གང་གིས་ཟིན་པའི་ནད།། ཐབས་དང་བརྩོན་འགྲུས་ལགས་པ་ཡིས།། དེ་ལྟར་བརྩོན་པའི་ཁྱད་པར་གྱིས།། དེ་ཉིད་མ་སྤངས་རྣམ་པར་དག། གང་ཕྱིར་དེ་ཉིད་ངེས་པ་ལ།། རྟོགས་དང་མ་རྟོགས་ཁྱད་པར
178a5 གྱིས།། ཐ་དད་ཆོས་སུ་གང་སྣང་བ།། དངོས་ལ་དེ་ལྟར་གནས་པ་མིན།། རྡོ་རྗེ་སྐྱེ་མེད་ཤེས་རབ་སྟེ།། མེ་ལོང་ཐབས་ཉིད་སྣ་ཚོགས་སྣང་།། གཉིས་མེད་འབྲེལ་བའི་མཉམ་པ་ཉིད།། མ་ལུས་དབྱེར་མེད་དམ་པར
178a6 བཤད།། དེ་ནས་རྟོགས་སྒོ་བཤད་བྱ་བ།། གང་ལ་གང་གི་དོན་མེད་པས།། ལྷ་དང་སྤྱོད་དང་ལམ་འབྲས་དག། འདི་ཉིད་དོན་གཉེར་གཞན་མེད་པའོ།། གང་གིས་དེ་དག་དེ་དོན་དུ།། ཚིག་དང་སྔགས་རྫས
iiif viewer powered by OpenSeadragon
