| e-texts navigator |
| Wylie |
177a1 དཔག་མེད་པའི།། སྣ་ཚོགས་སྐུ་དང་གསུང་ཐུགས་དང་།། ཡོན་ཏན་ཕྲིན་ལས་རང་སྣང་བ།། བདག་གཞན་ལྷུན་གྱིས་གྲུབ་པའི་དོན།། སྣ་ཚོགས་ཡིད་བཞིན་ནོར་བུ་ལྟར།། མ་བསགས་ལྷུན་གྱིས་གྲུབ
177a2 པའི་སྐུ།། སྣ་ཚོགས་ཀུན་དང་དབྱེར་མེད་པའི།། ཀུན་ལ་ཡིད་བཞིན་མཐུན་པར་སྣང་།། ཀུན་ཀྱང་རང་འབྱུང་བྱང་ཆུབ་སེམས།། བདེན་པ་དབྱེར་མེད་དོན་དུ་སྣང་།། གང་ཕྱིར་ནམ་མཁའི་རང་བཞིན་ལྟར།། གང་ལ
177a3 དེ་ལྟར་སྣང་བ་ལས།། ཡང་དག་གཅིག་ཏུ་གཟུང་དུ་མེད།། མ་བཅོས་རང་འབྱུང་ཞི་བ་ཉིད།། རྣམ་པར་དག་པའི་སྙིང་པོ་སྟེ།། འཁོར་བ་ཉིད་ན་མྱ་ངན་འདས།། རྣམ་པར་དག་པའི་དབྱིངས་སུ་མཁྱེན།། སྒོ་དང་སྐུར་བ
177a4 ཀུན་བྲལ་བའི།། ཐམས་ཅད་རང་སྣང་སྙིང་པོ་ལས།། སྣ་ཚོགས་མ་ལུས་རྣམ་པར་འཕྲུལ།། དངོས་དང་དངོས་པོ་མེད་མིན་ཞིང་།། གང་དེ་དེ་ཉིད་ཡུལ་འདས་པ།། ནམ་མཁའ་ལྟ་བུར་དཔག་མེད་པ།། ཕྱོགས་རིས
177a5 མཐའ་དབུས་རྒྱ་དཔག་མེད།། གང་གིས་གང་ལ་ཁྱབ་པ་ལྟར།། མཁའ་སོགས་རྡུལ་བྲལ་འབྱུང་བའི་བཅུད།། ཟག་པ་མེད་པའི་སྙིང་པོ་ཉིད།། ལུས་ཅན་ཀུན་གྱི་དབང་པོ་དང་།། དྲངས་མར་འབྲེལ་བར་གང་སྣང
177a6 ཡང་།། མཐོང་བ་ལོག་པའི་སྟོབས་ཀྱིས་སྒྱུར།། བདག་གཞན་མེད་པའི་རང་སྣང་ཡིན།། མ་ལུས་ཐམས་ཅད་དབྱེར་མེད་པའི།། ཐབས་དང་ཤེས་རབ་བཅུད་ལྔའི་རྒྱུན།། ལོངས་སྤྱོད་ཐབས་སུ་བཅས་པ་ཉིད།། འགྲོ
iiif viewer powered by OpenSeadragon
