| e-texts navigator |
| Wylie |
176b1 ལས་གླེང་བསླང་བ་བཤད་པའི་ལེའུ་སྟེ་གསུམ་པའོ།། །། དེ་ནས་གཞན་ཡང་བཤད་བྱ་བ།། ཀུན་གྱི་ཤེས་བྱ་ཡུལ་བཤད་པ།། ཆོས་རྣམས་མ་ལུས་ཐམས་ཅད་ཀུན།། གཅིག་དང་ཐ་དད་ཀུན་བྲལ་བའི།། མཐའ
176b2 དང་དབུས་མེད་དེ་བཞིན་ཉིད།། སྒྲོ་སྐུར་ཀུན་བྲལ་མཉམ་པ་ལས།། རྟོགས་དང་མ་རྟོགས་ཁྱད་པར་ལས།། སྣ་ཚོགས་ཆོས་ནི་རྣམ་པར་འཕྲུལ།། གཞི་དང་རྩ་བ་ལས་འདས་པའི།། རང་བཞིན་དབྱེར་མེད་དེ་བཞིན
176b3 ཉིད།། དངོས་མེད་དངོས་པོ་ཡུལ་འདས་ལ།། འཁོར་དང་མྱ་ངན་འདས་པ་ཡི།། ངོ་བོ་སྣ་ཚོགས་རང་སྣང་བ།། གཉིས་མེད་ཐབས་ཆེན་རྡོ་རྗེ་ཉིད།། ཨེ་མའོ་གཉིས་མེད་བདེ་ཆེན་ལས།། སྣ་ཚོགས་གནས་དང
176b4 ལོངས་སྤྱོད་དང་།། རིགས་དང་ཁ་དོག་ཚེ་ཚད་དང་།། བདེ་སྡུག་དབང་པོ་བྱེ་བྲག་དག། རང་བཞིན་སྣ་ཚོགས་རྣམ་པར་འཕྲུལ།། སྒྱུ་མ་ཆུ་ཟླ་འཇའ་ཚོན་ལྟར།། བྱང་ཆུབ་སེམས་ཀྱི་ངོ་བོར་གནས།། ལས་དང་རྐྱེན
176b5 གྱིས་གང་སྣང་བ།། རང་རང་ཞེན་པའི་ཐ་དད་ཀྱིས།། དབང་པོ་ཁྱད་པར་སྣ་ཚོགས་པའི།། རྟོག་པའི་ནུས་པ་སྣ་ཚོགས་མཐོང་།། རང་བཞིན་གཞི་རྩ་མེད་པའི་དབྱིངས།། ལྷན་ཅིག་སྐྱེས་དང་ཀུན་བརྟགས་པའི།། མ
176b6 མཐོང་ལོག་ཞེན་བརྟས་པ་ཡིས།། འཁྲུལ་འཁོར་ལོག་པའི་སྟོབས་སུ་སྣང་།། འཁོར་བ་མ་བསལ་དག་པ་ཡི།། ཞིང་དང་སྤྱོད་ཡུལ་ལོངས་སྤྱོད་དང་།། ཏིང་འཛིན་དབང་སྟོབས་རྫུ་འཕྲུལ་དང་།། མངོན་ཤེས་ཡེ་ཤེས
iiif viewer powered by OpenSeadragon
