| e-texts navigator |
| Wylie |
176a1 དང་།། བྱིན་རློབ་ནུས་པའི་ལྷ་ཡིས་ནི།། ཕྱི་ནང་སྣོད་བཅུད་སྐུ་གསུང་ཐུགས།། མ་ལུས་སྦྱོར་བ་གསུམ་ལས་བྱུང་།། རྩ་དང་རླུང་དང་ཐིག་ལེ་དག། རིམ་པར་བསྟེན་དང་སྦྱོར་བ་དང་།། འཕེན་དང་སྡུད
176a2 པ་རླུང་གིས་ཏེ།། དྲངས་མར་ཡེ་ཤེས་རླུང་གིས་འཇུག། སྟེང་དང་འོག་ལས་བྱུང་བ་ཡི།། བདེ་བའི་ཐིག་ལེ་རིམ་པ་དག། དྲངས་སྙིགས་རླུང་གི་ཁྱད་པར་གྱིས།། ཇི་ལྟར་འདོད་པའི་འབྲས་བུ་ཉིད།། རྐྱེན་གྱིས་ནུས་པ
176a3 ཕྲད་པ་ལྟར།། རྒྱུ་གཅིག་ནུས་པ་སོ་སོར་སྣང་།། འཇིག་རྟེན་འདས་དང་འཇིག་རྟེན་པའི།། ལམ་ནི་རྩ་དང་ཐིག་ལེ་དང་།། རླུང་ནི་ཕྱི་ནང་དྭངས་སྙིགས་དང་།། ལམ་དང་རྒྱུ་བའི་ཚུལ་ལས་བྱུང་།། གང་ཕྱིར་མེད་དང
176a4 ནུས་པ་མེད།། སྟོངས་དང་ལོག་པའི་ནུས་མཐུ་ཡིས།། རང་ལུས་འཇིག་དང་སྡུག་བསྔལ་ཞིང་།། དབང་པོ་མ་ཚང་དམན་པར་གྱུར།། གང་ཕྱིར་ཐུན་མོང་ཐུན་མོང་མིན།། སེམས་ལྔ་ཡེ་ཤེས་ལྔ་བསྟན་པ།། རང་བཞིན
176a5 ཏིང་འཛིན་གཟུགས་བརྙན་དུ།། གཟུངས་མ་རིགས་ལ་རྟེན་བཅས་པའི།། སེམས་ལྔ་ཡུན་རིང་ཐུང་བཅས་པས།། བདག་གཞན་ཆོས་རྣམས་མ་ལུས་པ།། ལྷན་ཅིག་སྐྱེས་པའི་ཡེ་ཤེས་ཏེ།། དངོས་པོ་མ་ཡིན་དངོས་མེད
176a6 མིན།། བདག་གཞན་གཉིས་ཀ་གཉིས་མེད་མིན།། རང་འབྱུང་བདེ་ཆེན་སྒྱུ་མ་ཉིད།། རྡོ་རྗེ་བརྟན་པོ་རང་སྣང་བ།། ཡེ་ཤེས་སྒྱུ་མ་ལྷུན་གྱིས་གྲུབ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ
iiif viewer powered by OpenSeadragon
