| e-texts navigator |
| Wylie |
175b1 དང་གཟུང་དང་སྦྱར་བ་ཡིས།། བསྐྱེད་དང་རྫོགས་དང་རྫོགས་ཆེན་པོ།། ཐུན་མོང་ཐུན་མོང་མ་ཡིན་པའི།། ཐར་ཐུག་རིམ་པ་ལས་བྱུང་བའི།། ཀུན་ཀྱང་སེམས་ལྔར་སྣང་བ་སྟེ།། ཐབས་ལས་བྱུང་བའི་ཐིག་ལེ
175b2 དང་།། ཤེས་རབ་གསང་བའི་ཐིག་ལེ་དང་།། གཉིས་མེད་བདེ་བ་ལས་བྱུང་བ།། སེམས་ལྔ་རིམ་པར་སྣང་བར་འགྱུར།། ཐབས་དང་ཤེས་རབ་མཉམ་སྦྱོར་ཞིང་།། སྐུ་དང་གསུང་ཐུགས་ལས་བྱུང་བ།། བྱེ་བྲག་བརྒྱད
175b3 ཅུ་ཀུན་འདུས་པ།། དཀྱིལ་འཁོར་བཞི་བཅུ་རྩ་གཉིས་ཏེ།། སྐུ་གསུང་ཐུགས་དང་ཡེ་ཤེས་ལྔས།། ཐབས་དང་རང་བཞིན་འབྲེལ་པ་ཡིས།། འགྲོ་བ་ཀུན་ལ་རྒྱས་བཏབ་པའོ།། སྣོད་བཅུད་བདེ་བའི་རང་བཞིན
175b4 གྱིས།། མ་ལུས་ལྷན་ཅིག་སྐྱེས་པར་གནས།། གཡོ་ལྡང་སྨོན་འཇུག་གནས་མཐར་ཕྱིན།། སྐྱེ་བའི་གཞི་དང་ཐབས་དག་དང་།། སྐྱེས་ནས་མཐར་ཕྱིན་ཡེ་ཤེས་ལྔ།། སངས་རྒྱས་ཀུན་གྱི་རང་བཞིན་ཉིད།། ཇི་ལྟ་བ
175b5 བཞིན་རྣམ་པར་གནས།། འགྲོ་བ་མོས་པའི་ཁྱད་པར་གྱིས།། གཟུགས་དང་ཁ་དོག་སྔགས་དང་འོད།། དཀྱིལ་འཁོར་ལ་སོགས་སོ་སོར་གནས།། གང་ཟག་བློ་དང་འཚམ་པར་བསྟན།། རྟེན་དང་བརྟེན་ཅན་ལས་བྱུང
175b6 བའི།། རང་འབྱུང་བདེ་ཆེན་མི་རྟོག་པ།། ལུས་མེད་ལུས་ལ་གནས་པ་ཡི།། ཁྱབ་པ་གཉིས་མེད་གང་བའི་ཚུལ།། གང་ཕྱིར་ཟག་མེད་བདེ་བ་ཡི།། ཏིང་འཛིན་བདེ་བ་ཁྱད་པར་ཅན།། རང་བཞིན་བརྟགས་དང་སྣང་བ
iiif viewer powered by OpenSeadragon
