| e-texts navigator |
| Wylie |
175a1 འཕྲུལ།། སྐུ་དང་གསུང་ཐུགས་སྣ་ཚོགས་ཀྱིས།། ཆོས་ཀྱི་འཁོར་ལོ་རྣམ་པར་བསྐོར།། རྒྱལ་བའི་དཀྱིལ་འཁོར་དེ་དག་ཀྱང་།། སྟོན་པ་འཁོར་གྱིས་གཅིག་ལ་གཅིག། ཡབ་དང་ཡུམ་དང་གཉིས་མེད
175a2 དང་།། གང་ལ་གང་གིས་གླེང་བསླང་བ།། བརྡ་དང་དགོངས་པའི་ཚིག་གིས་ཏེ།། བསྟན་པའི་ཚོགས་ནི་སྣང་བར་འགྱུར།། འཕེན་པ་རླུང་གི་སྦྱོར་བ་ཡིས།། ཐབས་དེས་ཡུམ་ལ་གང་བསྐུལ་བས།། གཉིས་མེད་འབྲེལ
175a3 པའི་ཆགས་པའི་འོད།། ས་ཡ་བཅུ་གསུམ་སྐུ་གསུང་ཐུགས།། བདེ་ཆེན་ལྷ་རུ་གསལ་བྱས་ཤིང་།། ནམ་མཁའི་ཡེ་ཤེས་མངོན་ཕྱུང་ནས།། བདེ་བའི་ཡེ་ཤེས་གསལ་བའི་རོ།། སྐྱེ་དང་དགའ་དང་གནས་པ་དང་།། འགྲོ
175a4 འོང་ཉིད་ལས་ཤེས་པར་འགྱུར།། གང་གིས་གང་ལ་གང་བསླང་བས།། གང་རྐྱེན་དབང་གིས་དེ་དག་ལས།། ཡེ་ཤེས་གསལ་བར་གང་སྣང་བས།། སྣང་སྲིད་ལུས་དང་དངོས་པོར་བཅས།། ནམ་མཁའི་ཡེ་ཤེས་ཅིར
175a5 ཡང་སྣང་།། ནང་གི་གླེང་བསླང་ཐབས་ཆེན་ཡིན།། གང་ཕྱིར་ཐབས་ཀྱིས་ཤེས་རབ་ལ།། ཆགས་པའི་གླུ་དང་སྦྱོར་བས་བསྐུལ།། ཤེས་རབ་ཐབས་ལ་ལན་བསྐུལ་བའང་།། ཤ་ད་པ་ཡི་གླུ་གར་དང་།། སྔགས་སྦྱོར་བ
175a6 ཡི་རིམ་པ་ཡིས།། ཕྱག་རྒྱ་བཞི་ཡིས་མངོན་སྦྱར་བས།། ཐབས་དང་ཤེས་རབ་གཉིས་མེད་པའི།། རྒྱུ་བ་རླུང་གི་སྦྱོར་བ་ཡིས།། དགུག་དང་བཀུག་པའི་ཐབས་ཉིད་དེ།། དབབ་དང་གཟུང་དང་བསྐྱིལ་བ་དང་།། ཟློག
iiif viewer powered by OpenSeadragon
