| e-texts navigator |
| Wylie |
174b1 མཛད།། ཕུང་པོ་ཁམས་དང་སྐྱེ་མཆེད་ཉིད།། རྒྱལ་བ་ཡབ་ཡུམ་སེམས་དཔའ་དང་།། སེམས་མ་ཉིད་དུ་ལྷུན་གྱིས་གྲུབ།། གསང་ཡུལ་དབང་པོ་རྣམ་ཤེས་རེག། མ་ལུས་འཇོམས་ཕྱིར་ཁྲོ་བོ་སྟེ།། རྟགས་སོགས་མཚན
174b2 མ་ལས་སྐྱེས་ཕྱིར།། ཡུམ་སྟེ་ལས་ཀྱིས་མི་གནས་བཤད།། ཡིད་ཆོས་བཟང་པོ་བཟང་མོ་ཉིད།། ཆགས་སོགས་ཉོན་མོངས་དྲུག་པོ་ཉིད།། ཐུབ་པ་སྤྲུལ་པ་དྲུག་ཏུ་བཤད།། དེ་ཉིད་ཕྱོགས་བཅུ་དུས་བཞི་ཡི།། ཕུང་པོ
174b3 འབྱུང་བ་རྣམ་ཤེས་ཡུལ།། དབང་པོ་དུས་དང་ལུས་ཆོས་བཞི།། མཚན་མ་ཉོན་མོངས་ཡུམ་ཉིད་དེ།། དེ་ཉིད་སེམས་ཕྱིར་མ་སྐྱེས་པས།། ལྷག་པའི་བདེན་གཉིས་འབྲེལ་བ་ལས།། བྱང་ཆུབ་སེམས་ལྔ་རྣམ་པར
174b4 འཕྲུལ།། དངོས་པོ་སྣང་གྲགས་ཆོས་ཐམས་ཅད།། སྐྱེ་བ་མེད་དང་འགག་མེད་དང་།། གནས་པ་མེད་དང་དམིགས་མེད་དང་།། འགྲོ་འོང་མེད་པ་ཉིད་དུ་སྣང་།། བདག་ཕྱིར་ཡེ་ཤེས་གསལ་སྣང་ཡང་།། གཞན་ཕྱིར་དེ
174b5 དག་མ་རྟོགས་པས།། རང་བཞིན་ངོ་བོ་ཡེ་ནས་གསང་།། ཤིན་ཏུ་གབ་སྦས་གསང་བའི་དོན།། དེ་ཉིད་ལེགས་པར་བཤད་པའི་ཚེ།། ཡེ་ནས་མཉམ་ཉིད་གསང་བ་ལ།། མ་རིག་ལོག་རྟོག་རྐྱེན་དབང་གིས།། འཁོར
174b6 བཔབའི་སྡུག་བསྔལ་དེ་བོར་སྣང་།། དེ་ཉིད་བདེ་གཤེགས་སྙིང་པོ་སྟེ།། དངོས་མེད་དངོས་པོའི་སྙིང་པོ་ཅན།། འགྲོ་བ་རྣམས་ནི་སྨིན་བྱའི་ཕྱིར།། སྐུ་གསུང་ཐུགས་ཀྱི་རང་བཞིན་ལས།། སྤྲུལ་པ་རྣམས་ནི་རྣམ་པར
iiif viewer powered by OpenSeadragon
