| e-texts navigator |
| Wylie |
174a1 ཆ་འཛིན་སྤྲུལ་པའི་ལུས།། སར་གནས་འཁོར་གྱི་དང་པོ་ཡིས།། དེ་དག་ཞུས་པའི་རིམ་གསུངས་པ།། བློ་དང་ཚིག་དང་ཡི་གེར་བསྡུས།། རྒྱུད་ཅེས་བྱ་བ་རྒྱུན་དུ་གྲགས།། སྐུ་དང་གསུང་དང་ཐུགས་ཀྱི
174a2 རྒྱུད།། ལྷ་སྤྱོད་དཀྱིལ་འཁོར་དབང་དམ་པར།། སྒྲུབ་པ་ཕྲིན་ལས་ལམ་རིམ་ནི།། ཕྱི་དང་ནང་དང་སྦས་པ་སྟེ།། རང་བཞིན་གནས་དང་མངོན་བྱེད་པ།། ཐབས་ཀྱི་རྒྱུད་ནི་གསུམ་དུ་གསུངས།། ཕྱོགས་བཅུ་དུས་བཞི
174a3 མངོན་རྫོགས་པའི།། མདོ་སྡེ་འདུལ་བ་མངོན་པ་དང་།། སྐུ་དང་གསུང་དང་ཐུགས་ཀྱི་རྒྱུད།། བསྐྱེད་རྫོགས་ཐབས་རིམ་གང་བསྟན་པ།། སྒྱུ་འཕྲུལ་དྲ་བར་འདུས་པ་སྟེ།། དེ་ལྟར་གྲགས་པའི་ཆོས་རྣམས་ཀུན།། རྟོག
174a4 པའི་ཆོ་ག་ཀུན་བཤད་པའི།། རྒྱུད་ཆེན་སྒྱུ་འཕྲུལ་དྲ་བ་སྟེ།། སངས་རྒྱས་ཀུན་གྱི་གསུང་གི་མཆོག། ཐོག་མ་བར་དང་མཐར་དགེ་བ།། དུས་གསུམ་རྒྱལ་བ་ཀུན་གྱིས་གསུངས།། རྡོ་རྗེ་སེམས་དཔའ་སྒྱུ་འཕྲུལ་དྲ་བ
174a5 གསང་བ་མེ་ལོང་གི་རྒྱུད་ཆེན་པོ་ལས་གླེང་གཞི་རྣམ་པར་བཤད་པའི་ལེའུ་སྟེ་གཉིས་པའོ།། །། དེ་ནས་གཞན་ཡང་བཤད་བྱ་བ།། གང་ཟག་ཐབས་ནི་ཐུན་མོང་དུ།། བློ་ཡི་ཡུལ་དུ་གང་གྱུར་པ།། དེ་ནི་ཐུན་མོང
174a6 ཡུལ་ཉིད་དེ།། གང་ཟག་ཐབས་དང་སྟོན་པ་ཉིད།། དེ་ཡི་སྤྱོད་ཡུལ་མ་གྱུར་ཅིང་།། ཐབས་ཆེན་གསང་བ་དང་ལྡན་པ།། དེ་ནི་ཐུན་མོང་མ་ཡིན་པའོ།། དེ་ཉིད་སྐྱེ་བོ་འཁོར་གཉིས་དོན།། རྣམ་གཉིས་ཚུལ་དུ་སྣང་བར
iiif viewer powered by OpenSeadragon
