| e-texts navigator |
| Wylie |
172a1 ལུས་ལ།། རང་འབྱུང་ཏིང་འཛིན་བདེ་བ་ཡིས།། ཐམས་ཅད་ཁྱབ་པར་གནས་པའི་ཕྱིར།། ཁྱབ་བྱེད་རྡོ་རྗེ་དྲི་ཆབ་མ།། དེ་བཞིན་ཉིད་ལ་དགོངས་པ་ཡིས།། འཁོར་བའི་ཆོས་རྣམས་མ་ལུས་པ།། བྱང
172a2 ཆུབ་སྙིང་པོར་ཚར་བཅད་པས།། རྣམ་པར་རྒྱལ་བ་ཞེས་སུ་བརྗོད།། གཟུང་འཛིན་བྲལ་བའི་ཡེ་ཤེས་ནི།། གཉིས་འཛིན་རྟོགས་པའི་གཉེན་པོ་སྟེ།། རྟོགས་གོམས་དེ་ཡིས་འཇོམས་པས་ན།། ཡ་མནྟ་ཀྲྀཏ་གཤིན་རྗེ
172a3 གཤེད།། གང་ཕྱིར་འཁོར་བའི་རྒྱ་མཚོ་ལས།། ཐབས་དང་བཅས་པའི་རྫུ་འཕྲུལ་ལས།། འཇོམས་དང་སྒྲོལ་བར་མཛད་པས་ན།། རྟ་མགྲིན་རྒྱལ་པོར་དེ་བཤད་དོ།། འཁོར་བའི་བདུད་ཀྱི་དུག་ལྔ་ལ།། ཡེ་ཤེས་ལྔ་རུ
172a4 གསལ་གོམས་པས།། གཉིས་མེད་རྩི་རུ་གང་འཁྱིལ་བ།། སྒྲིབ་ཟད་བདུད་རྩི་འཁྱིལ་པར་བཤད།། གང་དུ་ལུས་དང་བཅས་པ་ཡི།། དབང་པོ་ཡུལ་དང་རྣམ་ཤེས་རེག། རང་རྒྱུད་བཅད་པའི་ཡེ་ཤེས་ཉིད།། སྒོ་བ་རྣམ
172a5 པ་བཞི་རུ་གསུངས།། རང་རྒྱུད་རྟག་ཆད་བཟློག་པ་དང་།། གཟུངས་དང་ལྷ་དང་བདེ་བ་དང་།། ཐིག་ལེ་རིག་པར་བཅས་པ་ཉིད།། གང་ཕྱིར་གནས་ནས་དགུག་པ་དང་།། གང་དུའང་འགྲོ་བར་མི་ནུས་དང་།། དེ་ལས
172a6 འདའ་བར་དཀའ་བ་དང་།། བསྟིམས་ནས་བདེ་བས་དྲིལ་བུ་མ།། གཟུང་དང་འཁྱུད་དང་བསྡམ་པ་དང་།། གཉིས་སུ་མེད་པས་བདེ་ཆེན་པོ།། རང་ལུས་སྣང་སྲིད་བརྟན་གཡོ་ལ།། རྟོགས་དང་གོམས་པའི་ཚུལ་གྱིས
iiif viewer powered by OpenSeadragon
