| e-texts navigator |
| Wylie |
171a1 ཁམས་སུ།། སྒྲོལ་བས་སྒྲོལ་མ་ཉིད་དུ་བཤད།། སྙིང་པོ་རང་འབྱུང་ཡེ་ཤེས་ཉིད།། ཀུན་བརྟེན་གནས་དང་ཁྱབ་པའི་ཕྱིར།། བྱང་ཆུབ་སེམས་ཀྱི་རང་བཞིན་ལ།། ས་ཡི་སྙིང་པོར་བརྗོད་པ་ཡིན།། རང
171a2 བྱུང་སྙིང་པོ་བྱང་ཆུབ་སེམས།། ནམ་མཁའ་ལྟ་བུར་བསམ་བརྗོད་མེད།། མཐའ་དབུས་སྒྲོ་སྐུར་གང་འདས་པ།། དེ་ནི་ནམ་མཁའི་སྙིང་པོ་ཉིད།། གང་ཕྱིར་ཐུགས་རྗེ་དཔག་མེད་པས།། འགྲོ་བ་ཆུ་བོ་རྒལ་གྱི་བར།། སྐྱོ
171a3 བ་མེད་པར་གཟིགས་པས་ན།། སྤྱན་རས་གཟིགས་དབང་པདྨའི་གཙོ།། རྟོགས་དང་དབྱེར་མེད་རྡོ་རྗེ་ཡིས།། མཐའ་ཡི་བདག་རྟོགས་མཚན་མ་དག། འཇོམས་པས་ཕྱག་ན་རྡོ་རྗེ་སྟེ།། ཐུན་མོང་ཉིད་དང་ཁྱད་པར
171a4 གསང་བའི་རྣམ་པར་ཤེས་པ་གཞི།། ཐུན་མོང་ཡུལ་དང་ཁྱད་པར་ནི།། ཐབས་དང་ཤེས་རབ་འབྲེལ་བ་ལས།། མཚོན་དང་རྟོགས་དང་བསྒོམས་པ་ཡིས།། ལྷ་མོ་བཞིར་ནི་མངོན་སྣང་བ།། བྱང་ཆུབ་སེམས་དང
171a5 བདེ་བ་དང་།། ཐབས་ཀྱི་བདེ་བས་རབ་སྒེག་པས།། ལྷ་མོ་འདི་ནི་སྒེག་མོར་བཤད།། གྲོལ་དང་མ་གྲོལ་འཁོར་བ་ཡི།། ཕྱི་ནང་སྐྲ་ཡི་བྱེ་བྲག་ཀུན།། བྲག་ཅ་ལྟ་བུར་བརྗོད་མཛད་པས།། བར་ཆད་མེད་པས་ཕྲེང་བ
171a6 མ།། ཚིམ་པའི་ངོ་བོ་གང་བསྟན་པ།། དྲི་དང་ལྡན་པའི་ཁྱད་པར་ཉིད།། དབྱངས་ཉིད་ཚིམ་ཞིང་ཡིད་བདེ་བས།། དེ་ཉིད་རྡོ་རྗེ་གི་རྟི་མ།། རོ་ཡིས་ཁྱབ་ཅིང་གར་སྐུར་ལྟར།། བདེ་བ་ཆེན་པོ་བཞི་ཡི་གར།། ཁྱབ་དང
iiif viewer powered by OpenSeadragon
