| e-texts navigator |
| Wylie |
170b1 དང་།། འདུ་ཤེས་དང་ནི་འདུ་བྱེད་དང་།། རྣམ་ཤེས་ཟག་མེད་བདེ་བའི་རོས།། དབང་སྦྱར་ཡེ་ཤེས་རྒྱལ་པོར་བཤད།། གང་ཕྱིར་སྣང་དང་བསྒོམས་དང་བྲིས།། ཕྱག་རྒྱ་རྩ་བཅུད་ཐིག་ལེའི་མདོག། དཀར་དང་དམར
170b2 དང་སེར་བ་དང་།། སྔོ་དང་ལྡང་དང་རིམས་ལྡན་པའོ།། རྒྱལ་བ་ཀུན་གྱི་བདེ་སྐྱིད་ཅིང་།། སྤྱོད་དང་དེ་ལ་འབྱུང་བའི་ཡུམ།། ཐམས་ཅད་དེ་ལས་སྐྱེད་པ་ལྔ།། ཐ་མལ་ཞེན་པ་དག་པ་དང་།། དབང་སྒྱུར་རྒྱལ་མོ་ལྔ་རང
170b3 བཞིན།། སྲ་དང་གཤེར་དང་དྲོད་དང་བསྐྱོད།། ནམ་མཁའི་ཁམས་ཀྱིས་གང་ཕྱེ་བ།། སྟེང་འོག་ཐབས་ལས་མངོན་གྱུར་པ།། ཡུལ་དང་ཤེས་པ་དབྱེར་མེད་ཅིང་།། ཐུགས་རྗེ་ཤེས་རབ་འབྲེལ་པ་ཡིས།། འཁོར་བ་དང
170b4 ནི་མྱ་ངན་འདས།། གཉིས་མེད་གཟིགས་པ་སྤྱན་གྱི་མཆོག། ཟག་མེད་སྟོང་པའི་ཀློང་ཆེན་གྱིས།། སྐྱེད་དང་སྡུད་དང་གནས་པའི་ཕྱིར།། མཐའ་དབུས་བྲལ་བའི་དེ་བཞིན་ཉིད།། ནམ་མཁའི་དབྱིངས་ཞེས་གང་བརྗོད
170b5 པའོ།། ཐུན་མོང་ཐུན་མོང་མ་ཡིན་པའི།། ལས་དང་ལྟ་བ་ཉོན་མོངས་དང་།། ཤེས་བྱའི་དྲི་མ་མཐའ་ཡས་པ།། རྟོགས་པས་སྦྱོང་ཞིང་སྲེག་པས་ན།། གོས་དཀར་མ་རུ་བརྗོད་པ་ཡིན།། གང་ཕྱིར་ལས་དང་ཏིང་འཛིན།
170b6 དང་།། ཡེ་ཤེས་ཐུགས་རྗེ་བར་མེད་ཆུས།། གང་དག་འཁྲུད་དང་ཚིམ་བྱེད་པས།། ཆུ་ནི་མཱ་མ་ཀི་རུ་བཤད།། གང་ཕྱིར་རྟོགས་དང་ཐབས་དག་དང་།། ཏིང་འཛིན་ཐབས་ཀྱི་རླུང་དག་གིས།། བགྲོད་པ་མེད་པའི་ཞིང
iiif viewer powered by OpenSeadragon
