| e-texts navigator |
| Wylie |
16b1 བསྐྱེད་ཐབས་ལས་བྱུང་།། ཐབས་དང་འབྲེལ་བའི་ཚུལ་དུ་བཞུགས།། སྐྱེ་མཆེད་གནས་ཀྱི་རང་བཞིན་ལས།། མིང་གི་དང་པོ་ལས་བྱུང་བ།། གནས་དང་སྐྱེད་པ་ལ་སོགས་པའོ།། གནས་ནི་ཇི་བཞིན་གནས་པར
16b2 འདོད།། ཐུན་མོང་ཐུན་མོང་མ་ཡིན་པའི།། དུས་བཞི་བཙུན་མོའི་རང་བཞིན་ནི།། དགྱེས་པ་སྐྱེད་པའི་ལྷ་མོ་སྟེ།། གཉིས་མེད་འཁྲིལ་བའི་ཚུལ་དུ་གནས།། དགུག་དང་བསྡམ་དང་བསྐྱོད་པ་དང་།། དགྱེས་པ་ཆེན་པོའི
16b3 རང་བཞིན་ཉིད།། ཚིམ་དང་མེ་ཏོག་གཏོར་བ་ཡིས།། གཉིས་མེད་ལྷན་ཅིག་གསལ་བ་ཡིས།། མ་ལུས་ཁྱབ་ཅིང་གསལ་བར་བྱེད།། འདི་དག་དབྱེ་དང་དབབ་པ་དང་།། ཐིམ་དང་བདེ་བས་ཚིམ་པ་དང་།། རིམ་པ
16b4 བཞིན་དུ་ཡང་དག་གནས།། གང་དུ་རང་གི་ས་བོན་ལས།། གོང་མ་ཇི་བཞིན་གསལ་གྱུར་པས།། ལུས་ཀྱི་ཆོས་བཞིའི་ངོ་བོ་ནི།། ཏ་ཀྲྀཏ་སྒོ་སྲུང་ཚུལ་དུ་གནས།། གཞན་དག་རང་གི་བཙུན་མོ་ནི།། ལྷ་མོ་བཞི་ཡི་དང
16b5 པོ་ལས།། ཐུན་མོང་ཐུན་མོང་མ་ཡིན་པའི།། མཚན་མ་འཇོམས་ཤིང་འཁྲིལ་བས་འཁོད།། མ་ལུས་འདུས་པའི་ཡེ་ཤེས་ནི།། དམིགས་པ་གསུམ་ལས་འདས་པ་སྟེ།། ཡུལ་གསུམ་འདས་པའི་འདུས་མ་བྱས།། དེ་ཉིད
16b6 འདུས་པའི་ཡེ་ཤེས་དབྱིངས།། ཀུན་གྱི་རང་བཞིན་ཉིད་ཅེས་བཤད།། ཐབས་དང་ཤེས་རབ་ལ་སོགས་པ།། ཐུན་མོང་ཐུན་མོང་མ་ཡིན་པའི།། ཆགས་སོགས་མཚན་མ་དྲུག་པོ་ནི།། ས་བོན་གནས་བསྐྱེད་ལས་བྱུང
iiif viewer powered by OpenSeadragon
