| e-texts navigator |
| Wylie |
16a1 འཁོར་ནི།། སྣ་ཚོགས་བསམ་པ་ལས་བྱུང་བའི།། དཀྱིལ་འཁོར་ཆེན་པོར་འབར་བར་འགྱུར།། ཟག་མེད་ཡེ་ཤེས་ལྷུན་རྫོགས་པའི།། གདུལ་བྱའི་བྱ་བ་ཀུན་ཀྱང་སྤྱོད།། ཅེས་ཉིད་ལ་ཉིད་བཤད་དོ།། སྐུ
16a2 འཕྲུལ་རྒྱ་མཚོའི་རྒྱུད་ལས། དཀྱིལ་འཁོར་ཡོངས་སུ་རྫོགས་པའི་ལེའུ་སྟེ་དྲུག་པའོ།། །། རྡོ་རྗེ་འཛིན་པ་ཆེན་པོ་ནི།། སངས་རྒྱས་ཀུན་གྱི་དངོས་གཞི་སྟེ།། གསུང་གི་འདུལ་བའི་དོན་དུ་ནི།། དེ་དག་འཁོར
16a3 ལོ་བསྐོར་བར་མཛད།། རྩ་བ་ཅིར་ཡང་འགྱུར་བའི་བྷྲཱུཾ།། རིན་ཆེན་ཡེ་ཤེས་སྣ་ཚོགས་པ།། ཕྱི་ནང་མཐའ་དབུས་རྒྱ་བྲལ་བའི།། ཆོས་དབྱིངས་འོག་མིན་གཞལ་ཡས་ཁང་།། རང་རང་ས་བོན་བསྐྱེད་པ་དང་།། གནས
16a4 དང་བྱིན་གྱིས་བརླབས་པ་ཡི།། རྡོ་རྗེ་འཛིན་དང་རྒྱལ་བ་འཛིན།། སངས་རྒྱས་ནོར་བུ་པདྨ་དང་།། ཤེས་རབ་འཛིན་པའི་རིམ་པ་བཞིན།། འཁོར་ལོའི་ཚུལ་བཞིན་གནས་པར་མཛད།། རང་རང་ས་བོན་ཇི་བཞིན
16a5 པའི།། གནས་དང་བསྐྱེད་པའི་བྱིན་བརླབས་པ།། ནང་དང་སྦྱོར་བ་ལས་བྱུང་བ།། ལྔ་སྟེ་འབྱུང་བའི་རང་བཞིན་ཉིད།། རང་གི་བཙུན་མོ་སྤྱད་བྱ་སྟེ།། བདེ་སྐྱེད་འཁྲིལ་བའི་ཚུལ་དུ་གནས།། མིང་གི་དང་པོ་ལས་བྱུང
16a6 བ།། རྣམ་ཤེས་བཞི་ཡི་མཉམ་ཉིད་ནི།། གནས་བསྐྱེད་ཐབས་ཀྱི་བྱིན་བརླབས་པས།། རང་གི་གནས་སུ་དེ་བཞིན་གཤེགས།། ཐུན་མོང་ཐུན་མོང་མ་ཡིན་པ།། ཡུལ་བཞི་བདེ་སྐྱིད་བཙུན་མོ་སྟེ།། ས་བོན་གནས
iiif viewer powered by OpenSeadragon
