| e-texts navigator |
| Wylie |
169b1 ཀུན།། སྟོང་སྨོན་མཚན་མེད་འོད་གསལ་འཇུག། དེ་ཕྱིར་ཡེ་ཤེས་སྒོ་བཞིར་ཤར།། ཐབས་མང་བསམ་གྱིས་མི་ཁྱབ་པས།། ལམ་བརྒྱད་རིམ་པར་བགྲོད་པ་ཡིས།། འབྲས་བུ་ཡོན་ཏན་ཀུན་རྫོགས་པས།། རྟ་བབས་རྒྱུ
169b2 འབྲས་བཅུ་དྲུག་བསྟན།། ཞེན་དང་སྤོང་བའི་ལམ་བྲལ་བས།། འདོད་ཡོན་ཡེ་ཤེས་ལྔ་རོལ་ཏེ།། བདག་མཆོད་ཀུན་མཉེས་ལས་བྱུང་བས།། འདོད་ཡོན་ལྷ་མོས་འཁྲིགས་པར་བསྟན།། ཐབས་དང་ཤེས་རབ་ལྡན་པ
169b3 ཡིས།། མ་ཆགས་ཐབས་དང་ལྡན་པ་དང་།། ཆེ་བའི་ཡོན་ཏན་ལྷུན་རྫོགས་པས།། ཉི་ཟླ་པདྨ་རིན་པོ་ཆེ།། ལས་དང་ཐུགས་རྗེ་སྨོན་ལམ་གྱིས།། བྱང་ཆུབ་སེམས་དཔའ་མཐུ་བོ་ཆེ།། སྨོན་ལམ་དབང་གིས་དེ་དག
169b4 ཏུ།། ཐོས་པ་རྒྱ་མཚོ་བསག་ཕྱིར་གནས།། དེ་ཚེ་དུས་ཀྱི་ཐ་བྲལ་ཡང་།། ངོ་བོ་དུས་བཞི་མཉམ་པའི་དུས།། དུས་ཀྱི་མཐའ་ལ་མངོན་རྟོགས་པས།། ཐུན་མོང་མིན་པའི་དུས་སུ་བསྟན།། དེ་ཚེ་ཕྱོགས་བཅུ་རྒྱལ་བ
169b5 ཡིས།། བསྐལ་པ་བྱེ་བར་ལུང་བསྟན་པ།། འདུལ་བའི་དུས་བབ་གསང་བའི་བདག། ལག་ན་རྡོ་རྗེས་བསྡུ་བ་མཛད།། དུས་གསུམ་རྒྱལ་བས་བྱིན་བརླབས་ཕྱིར།། འཁོར་གྱི་ནང་ན་སྐལ་མཆོག་ལྡན།། གསང་བའི་རྡོ
169b6 རྗེ་འཆང་བསྡུས་ནས།། འདུལ་བའི་འཁོར་ལ་བསྟན་པར་མཛད།། འདས་དང་མ་བྱོན་ད་ལྟར་གྱི།། སྐུ་གསུམ་སྐུ་གསུང་ཐུགས་ངེས་པའི།། དེ་བཞིན་ཉིད་དུ་ཐབས་གང་གིས།། གཤེགས་ཤིང་གཤེགས་དང་གཤེགས
iiif viewer powered by OpenSeadragon
