| e-texts navigator |
| Wylie |
169a1 བདག་ཕྱག་རྒྱ་ལྷུན་གྲུབ་སྐུ།། གཅིག་དང་དུ་མ་རྣམ་སྤངས་པ།། སངས་རྒྱས་ཀུན་གྱི་སྤྱི་གཟུགས་ཏེ།། གདོད་ནས་ཐེག་མཆོག་མཛོད་ཉིད་ཕྱིར།། སྒྲིབ་པ་མཐའ་སྤངས་གདུལ་བྱ་ལ།། སྐད་ཅིག་གཅིག
169a2 གིས་སྤང་བར་མཛད།། ཆོས་རྣམས་སྣ་ཚོགས་ཇི་སྙེད་པ།། དངོས་པོ་ཐ་དད་མེད་ཕྱིར་ཟླུམ།། ཁྱབ་དང་སྤགས་དང་ཚད་མེད་དང་།། ཡེ་ཤེས་བཞི་ཕྱིར་འཁོར་ལོ་བསྟན།། ཆོས་དབྱིངས་འདུ་འབྲལ་མེད་པའི་ཕྱིར།། མུ
169a3 ཁྱུད་ཟླུམ་པོར་ཀུན་ནས་བསྐོར།། སྐུ་གསུང་ཐུགས་དང་བྱིན་བརླབས་དང་།། ཐུགས་རྗེས་མ་ཁྱབ་མེད་པའི་ཕྱིར།། ཡོན་ཏན་རྒྱས་པའི་དབྱིབས་སུ་བསྟན།། རང་འབྱུང་ཡེ་ཤེས་མཐའ་བྲལ་བས།། ཕྱོགས་བཅུར་འགྲོ
169a4 འོང་མི་གནས་པའི།། ཚད་དང་བྲལ་བའི་སེམས་ཀྱི་ཕྱིར།། གཞི་རྩ་ཚད་མེད་འཁོར་ལོར་བསྟན།། གདོད་ནས་བྱིན་བརླབས་ངོ་བོའི་ཕྱིར།། མ་བསགས་ལྷུན་རྫོགས་མཛོད་ཉིད་དེ།། འགྲོ་བ་རེ་འདོད་སྐོང་བའི
169a5 ཕྱིར།། རིན་ཆེན་འབར་བའི་གཞལ་ཡས་ཁང་།། སྣ་ཚོགས་དངོས་དང་དངོས་མེད་པའི།། ཆོས་ཀུན་ངོ་བོར་རང་གནས་ཏེ།། བདག་གཞན་གཟུང་འཛིན་བྲལ་བའི་ཕྱིར།། ཕྱི་དང་ནང་བྲལ་སྒྲིབ་པ་མེད།། ཐུན་མོང་ལ
169a6 བརྟེན་ཐབས་ཀྱི་འབྲས།། ཡེ་ཤེས་ཐབས་ཀྱིས་འཕགས་པ་ཉིད།། གདུལ་བྱའི་བློ་ལ་མངོན་སྣང་བས།། གློ་བུར་བཞི་ནི་ལྷག་པར་མཛེས།། ཐུན་མོང་ཐུན་མོང་མ་ཡིན་པའི།། གདུལ་བྱའི་རིམ་པ་མཐོ་དམན
iiif viewer powered by OpenSeadragon
