| e-texts navigator |
| Wylie |
168b1 བདག་རྡོ་རྗེ་འཆང་ཆེན་ཉིད།། གཙང་མ་རིས་དག་སྤངས་པ་ཡི།། འོག་མིན་གནས་མཆོག་ཆེན་པོ་དེར།། ཡང་དག་སངས་རྒྱས་དེར་སངས་རྒྱས།། སྐལ་མེད་སྐྱེ་བོ་གདུལ་བའི་ཕྱིར།། སྤྲུལ་པ་པོ་ནི་འདིར་སངས
168b2 རྒྱས།། སངས་རྒྱས་ཀུན་གྱི་བཞུགས་པའི་གནས།། གཙང་མ་རིགས་དག་རྣམ་སྤངས་པ།། འཇིག་རྟེན་ལས་ཀྱིས་མཐར་གྱུར་པ།། འོག་མིན་འབར་བའི་གཞལ་ཡས་ཁང་།། ཕྱོགས་བཅུར་རྒྱ་ཡོངས་མ་ཆད
168b3 པའི།། ཡོན་ཏན་ཁྱད་པར་སྤགས་པ་ན།། གསང་བ་ཡུམ་གྱི་བྷ་ག་ལ།། བཅུ་གསུམ་ས་ཡི་དབང་ཕྱུག་ལྡན།། རྡོ་རྗེ་འཆང་ཆེན་དཔག་མེད་དང་།། ཏིལ་འབྲུའི་ཚུལ་དུ་རབ་ཏུ་བཞུགས།། ཆོས་རྣམས་ཀུན་གྱི་དེ་བཞིན
168b4 ཉིད།། ཐོག་མ་ཐ་མ་དབུས་མེད་པའི།། རང་བཞིན་དོན་གྱི་འོག་མིན་ནི།། རྒྱལ་བ་ཀུན་གྱི་ཕོ་བྲང་ཕྱིར།། འདས་དང་ད་ལྟར་མ་བྱོན་པའི།། རྒྱལ་བ་ཀུན་གྱི་བསྟེན་པའི་གནས།། དེ་དག་ཉེ་བར་མཚོན་པ་ཡི།། ཡིད
168b5 དང་མཚན་མ་ལས་གྱུར་པའི།། བསྒོམས་དང་བྲིས་དང་བྱས་ལ་སོགས།། དེ་དང་འདྲ་བའི་གཞལ་ཡས་ཁང་།། རྒྱལ་བ་སྔགས་དང་བྱིན་བརླབས་ཀྱིས།། དེར་གནས་དོན་ཕྱིར་མཚོན་པའི་གནས།། ཐུན་མོང་ཐུན་མོང
168b6 མ་ཡིན་པའི།། བསོད་ནམས་ཡེ་ཤེས་ཁྱད་པར་ཅན།། བསགས་པ་སྣ་ཚོགས་ལས་བྱུང་བའི།། རྫོགས་ལོངས་སྤྱོད་པ་ཆེན་པོ་ནི།། གཙང་མ་རིས་དག་སྤངས་པ་ཡི།། འོག་མིན་ཆེན་པོའི་གནས་མཆོག་ན།། རིགས
iiif viewer powered by OpenSeadragon
