| e-texts navigator |
| Wylie |
168a1 དམ་ཚིག་དང་།། ཆོ་གས་དག་པར་སྦྱངས་པ་ཡིས།། དབང་པོ་རབ་ཀྱི་སྤྱོད་ཡུལ་ཡིན།། རྡོ་རྗེ་གསང་བའི་ཐེག་པ་འདི།། ངོ་བོ་ཉིད་དང་བྱིན་བརླབས་དང་།། མཚོན་དང་རྡོ་རྗེར་གྲུབ་པ་སྟེ།། རྡོ་རྗེ་ཐེག
168a2 པ་བདེ་བ་ཆེ།། རང་བཞིན་ངན་དང་དམན་པ་དང་།། ཕྱིན་ཅི་ལོག་དང་མི་མོས་དང་།། དབང་དང་དམ་ཚིག་མེད་པ་ལ།། གསང་ཕྱིར་གསང་བའི་ཐེག་པར་གསུངས།། ཐབས་དང་བྲལ་བའི་སློབ་དཔོན་གྱིས།། སྣོད
168a3 དང་བྲལ་བའི་སློབ་མ་ལ།། གསང་བའི་སྙིང་པོ་བསྟན་གྱུར་ན།། བདག་དག་གཞན་ཀུན་སྡུག་བསྔལ་ཞིང་།། སྲེག་དང་སྒྲིབ་པར་ཡུན་རིངས་གནས།། སྒྱུ་འཕྲུལ་དྲ་བ་རྡོ་རྗེ་མེ་ལོང་གི་རྒྱུད་ཆེན་པོ་ལས་མཚན་གྱི་དོན
168a4 གྱི་བཤད་པ་དང་པོའོ།། །། དེ་ནས་གཞན་ཡང་བཤད་བྱ་བ།། ཐུན་མོང་མ་གྱུར་གསང་བའི་དོན།། ཐུན་མོང་མ་ཡིན་འཁོར་དག་ལ།། ཕྱོགས་བཅུ་རྒྱལ་བ་རྡོ་རྗེ་འཆང་།། དཀྱིལ་འཁོར་མངོན་དུ་ཕྱུང་བ་ཡི།། རྡོ་རྗེ
168a5 པདྨ་འབྲེལ་པ་ཡི།། བྱང་ཆུབ་སེམས་ཀྱི་དབང་བསྐུར་ནས།། ཐུན་མོང་ཐུན་མོང་མ་ཡིན་པའི།། ཉོན་མོངས་ལྷ་དང་ཤེས་བྱ་རྣམས།། སྐད་ཅིག་ཡུད་ལ་བསལ་བྱས་ཏེ།། ཐུན་མོང་ཁྱད་པར་གསང་བ་ཡི།། ལམ་གཉིས
168a6 ངེས་པར་སྟོན་པས་ན།། སྟོན་པ་ཞེས་ནི་བརྗོད་པ་ཡིན། དེ་ཡི་གནས་མཆོག་བཤད་བྱ་བ།། འབྱུང་དང་བཞུགས་དང་རྟེན་པ་དང་།། མཚོན་པ་བྱིན་གྱིས་བརླབས་ཕྱིར་རོ།། ཐབས་དང་ལམ་གྱི་ཁྱད་པར་གྱིས།། ཀུན
iiif viewer powered by OpenSeadragon
