| e-texts navigator |
| Wylie |
167b1 གཅིག་མིན།། དེ་ཉིད་གསང་བའི་ངེས་པ་ནི།། གཞི་དང་ལམ་དང་ངོ་བོ་དང་།། ངེས་པས་ངེས་པ་གསུམ་དུ་བསྟན།། གང་དུ་ཐེག་པ་བཞི་གསུངས་པ།། འགྲོ་བ་འདྲེན་ཕྱིར་མ་ངེས་པ།། རོ་གཅིག་ཐེག་པར་ངེས་གནས
167b2 པ།། ངེས་པའི་ཐེག་པ་བླ་ན་མེད།། རང་བཞིན་མ་བཅོས་རང་བྱུང་ལས།། བྱ་བྱེད་ངང་གིས་བྲལ་བ་ཡི།། སྣ་ཚོགས་སྒྱུ་མའི་དཀྱིལ་འཁོར་འཕྲུལ།། རང་སྣང་སྒྱུ་འཕྲུལ་དྲ་བའོ།། རང་བཞིན་མཐའ་དབུས་མེད་པ
167b3 ལས།། རྒྱུ་རྐྱེན་ལས་ཀྱིས་སོ་སོར་འཁྲུལ།། དེ་ཉིད་བྱང་ཆུབ་སེམས་ཉིད་དེ།། མཐའ་དབུས་མེད་པར་མཉམ་པར་གནས།། དེ་ལྟར་སོ་སོར་སྣང་བའི་རྒྱུད།། ནམ་མཁའ་དང་རིས་ཕྱེ་བ་ལྟར།། རྒྱུད་ཆེན་སྒྱུ་འཕྲུལ་དྲ
167b4 བ་ཡི།། ལམ་གཉིས་འབྲེལ་བར་མངོན་བསྒོམས་པས།། ཐབས་དང་ཤེས་རབ་དབྱེར་མེད་པའི།། བདེ་ཆེན་ཐིག་ལེ་མངོན་སྣང་བ།། འཇུག་དང་གྲོལ་བའི་ལམ་ཉིད་དེ།། སྒྱུ་འཕྲུལ་དྲ་བའི་ལམ་དུ་བརྗོད།། རང
167b5 བཞིན་ཡོངས་ཀྱིས་ཁྱབ་པ་ཡི།། དངོས་དབང་ཐབས་ཀྱིས་འབྲེལ་པ་ཡིས།། རིམ་པ་ཇི་བཞིན་སྟོབས་གྱུར་པས།། ཁྱད་པར་ཐབས་ཀྱི་སྒྱུ་འཕྲུལ་ཡིན།། ཐོག་མ་མེད་པའི་རྡོ་རྗེ་སེམས།། ཆོས་ཀུན་རང་གི་ངོ་བོ
167b6 ཉིད།། ཟབ་མོ་བསྟན་པ་སྤྱི་ཡི་ལུང་།། ཐབས་དང་ཤེས་རབ་དབྱེར་མེད་པའི།། རྟོག་པའི་ཆོ་ག་རྒྱས་པའི་རྒྱུད།། བསྐལ་པ་གྲངས་མེད་སྔོན་རོལ་ནས།། ཤེས་རབ་སྦྱངས་དང་སྙིང་རྗེ་ལྡན།། དད་དང་བརྩོན་འགྲུས
iiif viewer powered by OpenSeadragon
