| e-texts navigator |
| Wylie |
167a1 ཡི་དབང་གིས་ན།། རོ་མྱང་བྲལ་ཕྱིར་གསང་བར་བཤད།། རང་བཞིན་ཐབས་དང་འབྲས་བུ་ཡི།། ཆོས་རྣམས་ཐིག་ལེ་ཆེན་པོའི་དོན།། འཇིག་རྟེན་འདས་དང་འཇིག་རྟེན་པ།། མ་ལུས་རོ་གཅིག་དབྱེར
167a2 མེད་པ།། ཇི་སྙེད་ཐེག་པའི་ཁྱད་པར་དང་།། བསྟན་པའི་བྱེ་བྲག་གནས་པ་རྣམས།། འདིར་འདུས་ཐབས་འདིས་མཚོན་པ་དང་།། རྩ་བར་གྱུར་པ་ཁོ་ན་ཡིན།། ཐབས་དང་ཤེས་རབ་གཉིས་མེད་པའི།། བྱང་ཆུབ
167a3 སེམས་ཉིད་བདེ་བ་ཆེ།། རང་འབྱུང་ཡེ་ཤེས་ཐོག་མཐའ་མེད།། རྡོ་རྗེ་སེམས་དཔའི་བདག་ཉིད་དེ།། རྒྱལ་བའི་བྱིན་བརླབས་རབ་སྣང་བ།། བསམ་གྱིས་མི་ཁྱབ་ཆེ་བ་རྣམས།། འདི་ལས་སྟོན་པས་སྙིང་པོ་སྟེ།། སྙིང་པོ
167a4 དང་ནི་འོད་བཞིན་ནོ།། རྒྱུ་དང་འབྲས་བུ་བཅུད་འདུས་པས།། སྙིང་པོ་ཞེས་ནི་བཤད་པ་ཡིན།། གང་ཕྱིར་ཐམས་ཅད་བྱང་ཆུབ་སེམས།། མཐའ་དབུས་ཡོངས་སུ་མ་ཆད་པ།། དངོས་པོ་གསུམ་གྱིས་ཁྱབ་གྱུར
167a5 ཡོངས་སུ་རྫོགས་པའི་རྒྱུ་ཡིན་ནོ།། ཐབས་དང་ཤེས་རབ་དབྱེར་མེད་པའི།། དེ་བཞིན་ཉིད་དུ་རྡོ་རྗེས་རིག། བདག་དང་གཞན་དོན་ནུས་པ་རྫོགས།། འབྲས་བུའི་དེ་ཁོ་ན་ཉིད་དོ།། གང་ཕྱིར་དངོས་གཉིས་ཐ
167a6 ད་པར།། ལོག་པར་བརྟགས་པའི་སྣང་བ་རྣམས།། མུན་ལ་སྣང་དང་གསེར་འགྱུར་ལྟར།། རོ་གཅིག་ཐབས་ཀྱི་དེ་ཁོ་ན།། དེ་ཕྱིར་དེ་ཁོ་ན་ཞེས་བརྗོད།། དངོས་པོ་སྣ་ཚོགས་དབྱེར་མེད་པའི།། ཐ་དད་དོན་མིན་དོན
iiif viewer powered by OpenSeadragon
