| e-texts navigator |
| Wylie |
166a1 ཀྱང་།། རྐྱེན་སྟོབས་ནུས་པ་སོ་སོར་སྣང་།། ཁྱད་པར་རིམ་པར་གང་གནས་པ།། རང་བཞིན་གདུལ་བྱ་བདེ་གཤེགས་དང་།། འཁྲུལ་པའི་དབང་གིས་སོ་སོར་སྣང་།། མ་བཅོས་དང་ལ་ཐ་དད
166a2 མེད།། རང་སྣང་ལས་ཀྱིས་ཐ་དད་པའི།། བྱེ་བྲག་རྣམ་པར་བསྟན་པ་ཀུན།། དེ་བཞིན་ཉིད་ལ་དགོད་བྱའི་ཕྱིར།། རྒྱལ་མཆོག་བདེ་ཆེན་ཡོངས་གང་བས།། དྲི་བའི་དོན་འདི་ལུང་བསྟན་ཅིང་།། ཐབས་དང་ཤེས་རབ
166a3 འབྲེལ་གྱུར་པའི།། གསང་བའི་དོན་ལ་དགོད་དུ་གསོལ།། སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ལས་དྲི་བ་རྩ་བའི་རྒྱུད་ཅེས་བྱ་བ་བཤད་པ་རྟོག་པའི་རྒྱལ་པོ་རྫོགས་སོ།། །། དེ་ནས་གསང
166a4 བདག་རྡོ་རྗེ་འཆང་།། སྐྱེས་བུ་མཚན་དཔེ་རབ་ལྡན་ཅིང་།། དཔག་མེད་རྒྱལ་བས་རབ་བསྐོར་ཞིང་།། རང་འབྱུང་དག་པའི་གཞལ་ཡས་ན།། ཐབས་དང་ཤེས་རབ་འཁྲིལ་སྦྱོར་ཞིང་།། ཀུན་ཀྱང་དེ་དང་མཐུན་པ
166a5 འཛུམ་ཞིང་སྟེག་པས་སོས་འདེབས་ཤིང་།། དགྱེས་པའི་ཚུལ་གྱིས་བཀའ་སྩལ་པ།། དཔག་མེད་རྒལ་བས་གསུངས་པ་དང་།། གསུང་དང་གསུང་འགྱུར་ཐུགས་ཀྱི་རྒྱུད།། ཐོག་མ་བར་དང་མཐར་དགེ
166a6 བ།། ཐབས་དང་ཤེས་རབ་དབྱེར་མེད་པའི།། ཆོ་ག་རྒྱས་པར་དྲིས་པའི་མཆོག། ཉོན་ཅིག་ད་ནི་སེམས་དཔའ་བཤད།། ཆོས་རྣམས་མ་ལུས་གཉིས་མེད་པའི།། རང་རིག་བྱང་ཆུབ་སེམས་ཉིད་དེ།། ཐ་དད་མེད་པའི
iiif viewer powered by OpenSeadragon
