| e-texts navigator |
| Wylie |
165b1 ཚོམ་ལེགས་པར་ཆོད་པར་མཛོད།། འདི་ནི་ཕྲིན་ལས་ཀྱི་དྲི་བ་དྲིས་པའོ།། རྨད་འབྱུང་སྐྱེས་བུ་གང་ཞིག་གིས།། དང་པོ་ལམ་ཚུལ་ཇི་ལྟ་བུ།། ཕྱི་ནང་གསང་བའི་ལམ་ཅི་ཕྱིར།། སྟོང་པའི་རྣལ་འབྱོར་སྙིང་རྗེ་ཆེ།། ཕྱག
165b2 རྒྱ་ཅིག་དང་སྤྲོས་བཅས་ཅི།། རྣམ་སྨིན་དབང་སྒྱུར་ཕྱག་རྒྱ་དང་།། ལྷུན་གྱིས་གྲུབ་པའི་མཚན་ཉིད་ཅི།། མཐར་ཕྱིན་རྣམ་པ་དུ་ཞིག་གསུངས།། ཕྱི་ནང་གསང་བ་མཐར་ཕྱིན་པའི།། འབྲས་བུ་བདག་གཞན་དོན་ཉིད
165b3 ཅི།། ཉི་ཤུ་རྩ་ལྔའི་དོན་ཅི་ལྟར།། གང་དག་རྟོག་པའི་རྒྱལ་པོ་སྟེ།། སྒྱུ་འཕྲུལ་དྲ་བ་བླ་ན་མེད།། ཀུན་ལམ་འབྲས་བུ་ཐུགས་ཆུད་པ།། ཆོ་ག་རྒྱས་པར་བཤད་པའི་རྒྱུད།། སྐལ་ངན་རྣམས་ཀྱིས་མ་རྟོགས་པའི།། གསང
165b4 བ་གསང་ཆེན་མདོ་སྡེ་དང་།། འདུལ་བ་ཆོས་ཀྱི་ཕུང་པོ་དག། ནམ་མཁར་མཐའ་ཐུག་བཤད་པ་ཀུན།། གསང་བའི་སྙིང་པོ་ལས་འཕྲོས་པས།། ཇི་སྙེད་བསྐྱེད་དང་རྫོགས་པའི་ལམ།། མ་ལུས་ཀུན་གྱི་སྙིང་པོ
165b5 འདི།། ཐེག་པ་དམན་དང་མ་སྦྱངས་དང་།། རིགས་ཆད་དབང་དང་མན་ངག་བྲལ།། ཇི་ལྟར་བལྟས་ཀྱང་མི་སྣང་བ།། སྐྱེས་བུ་མཆོག་གི་སྤྱོད་ཡུལ་བས།། རྡུལ་སྙེད་སྦྱངས་པའི་གང་ཟག་ལ།། གསང་ཕྱིར་གསང
165b6 བའི་ཐབས་དག་གིས།། དངོས་གྲུབ་མཐའ་ཡས་གྲུབ་ཕྱིར་བསྟན།། ཕྱི་ནང་སྣོད་བཅུད་མ་ལུས་པའི།། རྟེན་དང་བརྟེན་པར་བཅས་པའི་ཆོས།། ཇི་ལྟར་གྲགས་དང་གྲགས་གྱུར་པའི།། ཐམས་ཅད་མ་ལུས་རྒྱུ་གཅིག
iiif viewer powered by OpenSeadragon
