| e-texts navigator |
| Wylie |
164a1 གཞིའི་དྲི་བ་ཚིགས་སུ་བཅད་པའོ།། ཐུན་མོང་ཐུན་མོང་མ་ཡིན་པའི།། གླེང་བསླང་གཉིས་སུ་ཅི་ཕྱིར་འགྱུར།། གང་གིས་གང་ལ་གླེང་བསླང་ཞིང་།། ཐབས་དང་འབྲས་བུ་ཅི་ཡིན་སྟོན།། ཐུན་མོང་ཐུན
164a2 མོང་མ་ཡིན་པའི།། སེམས་ལྔ་ཡེ་ཤེས་ལྔ་ཡི་རིམ།། གང་དང་འབྲེལ་པ་བཤད་དུ་གསོལ།། འདི་ནི་གླེང་བསླང་བའི་ཚིགས་སུ་བཅད་པའོ།། སྐྱེས་བུ་ཆེན་པོ་སྟོན་པའི་གཙོ།། སྒྱུ་འཕྲུལ་དྲ་བར་མངའ་བརྙེས
164a3 ཤིང་།། ཕུན་སུམ་ཚོགས་པ་ཆོས་ཀྱི་རྗེ།། གཟི་བརྗིད་ཕུང་པོ་ཕུན་སུམ་ཚོགས།། བལྟ་བྱ་གང་ལ་ཅི་ཡི་ཕྱིར།། གང་གིས་རྟོགས་པས་ཇི་ལྟར་འགྱུར།། རྟོགས་དང་མ་རྟོགས་ཁྱད་པར་ཅི།། རྟོགས་པའི་སྒོ་ནི་དུ་རུ
164a4 གསུངས།། གཏན་ཚིགས་ཚུལ་དང་འབྲས་བུ་ཅི།། འདི་ནི་ལྟ་བའི་དྲི་བའོ།། ཐུན་མོང་སྤྱོད་པ་ཅི་ཡི་ཕྱིར།། ཐུན་མོང་ཐུན་མོང་གང་ཅིའི་ཕྱིར།། ཤེས་རབ་ཚོགས་དང་ཐུགས་རྗེ་དང་།། རྟོགས་དང་ཕྱོགས་གཅིག་སྤྱོད་པ
164a5 དང་།། འབྲེལ་དང་རིག་འཛིན་སྤྱོད་པ་ཅི།། གང་གིས་གང་ལ་ཇི་ལྟར་སྤྱད།། དེ་ཡི་འབྲས་བུ་གང་ཕྱིར་འགྱུར།། གང་དུ་དེ་དང་མི་ལྡན་པའི།། སྤྱད་པའི་སྐྱོན་ཉིད་བདག་ལ་གསུངས།། འདི་ནི་སྤྱོད་པའི་ཁྱད་པར་གྱི་དྲི
164a6 བའོ།། ཐུན་མོང་སྤྱི་དང་ཁྱད་པར་གྱི།། རང་བཞིན་ཉིད་དང་ལྷུན་གྲུབ་ཀྱི།། དཀྱིལ་འཁོར་ཞེས་པ་གང་ཅིའི་ཕྱིར།། དེ་ཉིད་ཕྱི་ནང་གསང་བ་དང་།། འདུལ་ཐབས་གཉིས་སུ་ཇི་ལྟར་འགྱུར།། ཏིང་འཛིན་དཀྱིལ་འཁོར
iiif viewer powered by OpenSeadragon
