| e-texts navigator |
| Wylie |
15b1 བ་བཞིན།། དངོས་བྱེད་ཐབས་ཀྱི་སྣང་བྱེད་པ།། རང་བྱུང་རང་སྣང་ངོ་བོ་ཉིད།། བདེ་བ་ཆེན་པོའི་ཐིག་ལེ་ཉིད།། ཕན་ཚུན་འབྲེལ་ཞིང་འདྲེས་པ་ལས།། ཉི་ཟླ་འཁོར་བཅས་དེ་དག་ཀུན།། གསང་བའི་ཐིག་ལེ་འཕྲོ
15b2 འདུ་མེད།། བདེ་ཆེན་ཐིག་ལེར་ལྷུན་རྫོགས་པའི།། བྱང་ཆུབ་སེམས་ལ་དངས་སྙིགས་མེད།། ལུས་ངག་སེམས་ཀྱི་བྱ་བ་རྣམས།། གང་གིས་འདུལ་བར་མི་ནུས་པ།། བྱིན་རླབས་རྟེན་འབྲེལ་ལས་བྱུང་བའི།། བདེ་བ
15b3 ཆེན་པོའི་ངོ་བོར་འགག། སྣང་གསུམ་ལས་འདས་ཐིག་ལེ་ནི།། ཕྱོགས་འཛིན་དམིགས་པ་ལས་འདས་པ།། རང་རིག་དམིགས་ཞེ་ན་དག་པ་ཡི།། འདུས་བྱས་ཟག་པའི་བདེ་བ་མེད།། སངས་རྒྱས་ཀུན་གྱི་ཐིག་ལེ
15b4 ནི།། འགྲོ་འོང་ཐིག་ལེ་རྒྱུ་བ་དག། མཁའ་ལྟར་དག་པའི་བྱང་ཆུབ་སེམས།། རྐྱེན་བྲལ་ཡེ་ཤེས་ཟག་མེད་དེ།། འཕེལ་འགྲིབ་མེད་པའི་ཚུལ་དུ་གནས།། རྒྱུད་ཆེན་སྒྱུ་འཕྲུལ་དྲ་བ་ལས།། རང་བྱུང་ཡེ་ཤེས་རྒྱ་མཚོ
15b5 ཉིད།། གདུལ་བྱ་མོས་པའི་བསམ་པ་བཞིན།། ཐུགས་རྗེ་བྱིན་རླབས་བསམ་མི་ཁྱབ།། ཇི་སྙེད་མཐའ་ཡས་ཆོས་རྣམས་ནི།། རྒྱལ་བ་ཀུན་དང་དབྱེར་མེད་པའི།། སྐུ་གསུང་ཐུགས་ཀྱི་ངོ་བོ་སྟེ།། དབྱེར་མེད་བདེ་ཆེན
15b6 ཕྱག་རྒྱར་གསལ།། གང་དུ་སྣང་དང་མི་གཡོ་བའི།། བྱ་བ་བྱེད་དང་མི་བྱེད་པ།། སྒྱུ་འཕྲུལ་དྲ་བར་རྫོགས་པ་ཡིས།། ཐིག་ལེ་མཆོག་གི་སྙིང་པོར་གནས།། རྟེན་དང་བརྟེན་པར་བཅས་པ་ཡི།། སྒྱུ་འཕྲུལ་དྲ་བའི་དཀྱིལ
iiif viewer powered by OpenSeadragon
