| e-texts navigator |
| Wylie |
15a1 ཕྱག་རྒྱ་ཉིད།། མ་ལུས་ཉི་ཟླའི་ཚུལ་གནས་ཏེ།། སྐལ་ལྡན་ཐུགས་ལ་འཇུག་པར་འགྱུར།། བདེ་ཆེན་རིག་པའི་དཀྱིལ་འཁོར་ནི།། མ་ལུས་འདུས་པའི་བྱང་ཆུབ་སེམས།། ཐིག་ལེ་རླུང་དང་བྲལ་བ
15a2 ཡི།། རྡོ་རྗེ་འཛིན་པ་ཉིད་དུ་འགྱུར།། གང་དང་གང་དུ་ཞེན་བཟུང་བ།། བདེ་ཆེན་ཐིག་ལེར་ཟད་གྱུར་ནས།། ཞིང་དང་སྤྱོད་ཡུལ་བཅས་པ་དག། མ་ལུས་རིག་པ་བདེ་ཆེན་པོ།། ཐབས་དང་ཤེས་རབ་དབྱེར་མེད
15a3 པའི།། གསང་བའི་ཐིག་ལེ་ཀུན་གྱི་དངོས།། ཐམས་ཅད་རང་བཞིན་རྫོགས་པའི་ཕྱིར།། ཐམས་ཅད་ཀུན་གྱི་ངོ་བོར་གནས།། སྟེང་འོག་གཡས་གཡོན་ལས་བྱུང་བའི།། སྣང་སྟོང་ཐིག་ལེར་འདྲེས་པའི་བཅུད།། ཉི
15a4 ཟླ་ཟབས་དང་ཤེས་རབ་ཉིད།། གཉིས་མེད་ཟབས་སུ་འབྲེལ་བ་ཡིན།། བརྗོད་བྱའི་ཡོན་ཏན་ཀུན་འདུས་པ།། སངས་རྒྱས་ཀུན་གྱི་རང་བཞིན་ཉིད།། མ་ལུས་ཀུན་ལས་འབྲེལ་བའི་ཕྱིར།། སེམས་ལྔའི་ཚུལ་གྱིས
15a5 མངོན་དུ་སྣང་།། ཐིག་ལེ་དང་པོ་ནས་བརྩམས་ནས།། མ་སྐྱེས་བདེ་ཆེན་བཅུ་དྲུག་མཐའ།། འགྲོ་འོད་མེད་ཅིང་མཐར་ཕྱིན་པ།། རང་བྱུང་དཀྱིལ་འཁོར་ལྷུན་གྱིས་གྲུབ།། ཐོག་མེད་བསགས་ལས་གང་གྱུར
15a6 པའི།། ལས་དང་འདུ་བྱེད་སྒྲིབ་པ་རྣམས།། བདེ་ཆེན་སྐུ་གསུང་ཐུགས་གྱུར་ནས།། མ་བསྒྲིབས་ཡེ་ཤེས་ངོ་བོར་འཆར།། བྱེ་བྲག་བརྒྱད་ཅུ་སྤྲུལ་པ་ཡི།། ཐིག་ལེའི་རྐྱེན་གྱིས་འདུས་གྱུར་པས།། མ་ལུས་མུན་པས་སྣང
iiif viewer powered by OpenSeadragon
