| e-texts navigator |
| Wylie |
158a1 ཚོགས་ཆེན་པོའི་གསུང་གི་དཀྱིལ་འཁོར་སྤྲོས་པའི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་དེ་དག་གི་དཀྱིལ་འཁོར་བསྟན་པའི་ཕྱིར་ཆེད་དུ་བརྗོད་པ་འདི་བརྗོད
158a2 དོ།། འབར་བའི་འཁོར་ལོ་རྩིབས་བཞི་པ། གྲུ་ཆད་བཞི་ཡིས་རྣམ་པར་བརྒྱན།། གྲུ་བཞི་སྒོ་ཁྱུད་བཞི་དང་ལྡན།། འབར་བའི་བར་ཁྱམས་གཉིས་ཀྱིས་མཛེས།། ཐོད་སྦྲུལ་སྣ་ཚོགས་ཉི་མས་བརྗིད།། འབར་བའི་འཕྲོ
158a3 བ་མང་པོས་འཁྲུག། ཁྱུ་མཆོག་མ་ཧེ་གཟིག་དང་སྟག། གཏུམ་པ་དོམ་གྱི་སྦར་བ་ཡིས།། དབང་ཕྱུག་ལྷ་ཆེན་ལ་སོགས་བཟུང་།། སྨུག་ནག་སྔོ་ནག་སེར་ནག་དང་།། དམར་ནག་ལྗང་ནག་འཇིགས་པའི་སྐུ།། དབུ
158a4 གསུམ་ཕྱག་དྲུག་ཞབས་བཞིར་བགྲད།། ཀོ་རློན་གོས་ནི་སྣ་ཚོགས་གྱོན།། རྔམ་པའི་སྒྲ་སྐད་འཇིགས་པར་སྒྲོགས།། སྦྲུལ་དང་ཟོད་ཕྲེང་ཉི་ཟླས་བརྗིད།། སྟོང་གི་འཇིག་རྟེན་འཁོར་ཡུག་བཅས།། རྡོ་རྗེ་དུང་ཆེན་གང
158a5 པ་དང་།། ར་ལ་གྲི་དགྲ་སྟ་གཤོལ་ལ་སོགས།། རང་གི་ལག་ཆ་སྣ་ཚོགས་བསྣམས།། བཙུན་མོ་འཇིགས་པའི་ཚོགས་དང་འཁྲིལ།། གནས་དང་ཡུལ་གྱི་ཕྱག་རྒྱ་དང་།། སྒོ་བཞི་ཕྱག་རྒྱ་རབ་མཛེས་ཤིང་།། སླས་དང་བྱི
158a6 མོ་བྲན་མོའི་ཚོགས།། བཅུ་གཉིས་དང་ནི་བརྒྱད་ཀྱིས་མཛེས།། རང་གི་སྟན་དང་ལག་ཆ་དང་།། ཅི་བགྱི་ཞེས་ནི་ཆས་ཏེ་གནས།། ཞེས་བརྗོད་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འབར་བའི་དཀྱིལ
iiif viewer powered by OpenSeadragon
