| e-texts navigator |
| Wylie |
156b1 བགྱིས་ན།། མགོ་དང་ལུས་ནི་བརྒྱ་འགས་ཤིང་།། སྙིང་ཡང་འགས་ཤིང་གཏུགས་འགྱུར་ཅིང་།། རུལ་མྱོགས་ཚིག་ནས་བརླག་པ་དང་།། དམྱལ་བར་ལྷུང་ནས་འབོད་པར་ཤོག། ཅེས་འབངས་སུ་མཆི་བར་མནས་བོར
156b2 ནས་དཀྱིལ་འཁོར་གྱི་གདན་དུ་བཞག་གོ། ཐམས་ཅད་ཀྱིས་མགྲིན་གཅིག་ཏུ་སྨྲས་པ།། བདག་ཅག་རྣམས་ཀྱི་མཆིས་བྲང་དང་།། མ་དང་སྲིང་མོ་བུ་མོ་རྣམས།། དཀྱིལ་འཁོར་ཆེན་པོར་བཞེས་སུ་གསོལ།། དཔའ་བོ
156b3 ལྷ་རྗེས་བཞེས་སུ་གསོལ།། བདག་ཅག་སོ་སོའི་འཁོར་བཅས་ཀྱིས།། ཚོགས་ཀྱི་དཀྱིལ་འཁོར་དམ་པ་འདི།། མིང་ཙམ་འཛིན་པར་བྱེད་པ་ཡང་།། གཙུག་གི་ནོར་བུ་འབར་བ་ལྟར།། གཡོ་སྒྱུ་མེད་ཅིང་གུས་ལྡན
156b4 པའི།། སེམས་ཀྱིས་བླངས་ཏེ་སྤྱི་བོ་ཡི།། གཙུག་ཏུ་བཞག་སྟེ་བཀུར་བར་བྱ།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག་ཅག་སྒྲུབ།། གལ་ཏེ་དཔའ་བོའི་སྤྱན་ལྔ་འདིར།། སྨྲས་པ་བཞིན་དུ་མ་བགྱིས
156b5 ན།། བདག་ཅག་རྣམས་ཀྱི་མགོ་ལུས་སྙིང་།། བཀས་གཏུབས་དུམ་བུར་རུལ་བར་མཆི།། ཞེས་སྨྲས་སོ།། དེ་ནས་དེ་དག་གི་ཆུང་མའི་ཚོགས་དང་། སྲིང་མོ་དང་མ་དང་བུ་མོའི་ཚོགས་ཐམས་ཅད་དཀྱིལ་འཁོར་དུ་ཡུད
156b6 ཙམ་གྱིས་འོངས་ནས་ཐམས་ཅད་ཀྱིས་མགྲིན་གཅིག་ཏུ་སྨྲས་པ། བདག་ཅག་འཁོར་ཚོགས་ཐམས་ཅད་ཀུན།། དཔའ་བོ་ཆེན་པོའི་འབངས་སུ་མཆི།། དཔའ་བོ་ཆེན་པོ་བདག་ཅག་རྣམས།། ལས་ཀྱི་དངོས་གྲུབ་སྩལ
iiif viewer powered by OpenSeadragon
