| e-texts navigator |
| Wylie |
13b1 འཆར།། ཐིག་ལེས་བདེ་བ་མྱོང་གྱུར་ནས།། བདེ་བའང་ཐིག་ལེའི་ངོ་བོར་གསལ།། གཉིས་མེད་རང་བྱུང་སྙིང་པོ་ལ།། གསལ་བར་ཉམས་ཀྱིས་གོམས་པར་བྱ།། བདེ་ཆེན་ཐིག་ལེའི་ངོ་བོ་ནི།། རྡོ་རྗེ་འཛིན་པའི་བདག
13b2 ཉིད་དེ།། རིགས་ཀྱི་བདག་པོ་ཀུན་ལས་གྲོལ།། མཐའ་དབུས་རྒྱུ་འབྲས་ལས་འདས་པས།། ཐིག་ལེ་རང་རིག་བྱང་ཆུབ་སེམས།། འགྲོ་འོང་དམིགས་འཛིན་ཞེན་ལས་འདས།། དེ་བཞིན་ཉིད་དུ་གཤེགས་པ་ཡང་།། སྣ
13b3 ཚོགས་ཞེན་ལས་གྲོལ་བར་ཟད།། ཐབས་དང་ཤེས་རབ་ཐིག་ལེ་ཡི།། ཉི་ཟླ་གསལ་བའི་སེམས་ལྡན་པས།། དངོས་མེད་ནས་ཀྱང་། ལྷན་ཅིག་སྐྱེ་ནུས་ན།། སྒྱུ་འཕྲུལ་དྲ་བར་གསལ་བར་འཆར།། ཞེས་ཉིད་ལ་ཉིད
13b4 གསུངས་པའོ།། སྒྱུ་འཕྲུལ་རྒྱ་མཚོའི་རྒྱུད་ལས།། ཕྱི་མ་བསྒྲུབ་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་དགྱེས་ཆེན་པོ།། མཐའ་དབུས་མེད་པ་ལྷུན་གྲུབ་པ།། ཡེ་ཤེས་ཀུན་གྱི་བདག་ཉིད་དེ།། སྐུ་ཡི
13b5 དཀྱིལ་འཁོར་སྣང་བར་མཛད།། གཅིག་དང་དུ་མ་བྲལ་བ་ཡི།། རང་བྱུང་ཡེ་ཤེས་ཕྱོགས་མེད་པ།། ཡེ་ཤེས་ལྔ་རྫོགས་སྙིང་པོ་འདི།། མུ་ཁྱུད་སྙིང་པོས་ཡོངས་སུ་བཀོད།། སངས་རྒྱས་ཀུན་གྱི་གཞལ་ཡས་ཁང་།། ངོ་བོ
13b6 ཇི་བཞིན་གསལ་གྱུར་པ།། ཆེ་བའི་ཡོན་ཏན་ལྷུན་རྫོགས་པ།། དཀྱིལ་འཁོར་ཀུན་གྱི་རང་བཞིན་ཉིད།། ཡེ་ཤེས་འཁོར་ལོ་དྲ་བ་གཅོད།། མུ་ཁྱུད་ཐིག་ལེས་ཡོངས་སུ་བསྐོར།། ཆེ་བའི་ཡོན་ཏན་ཕྱོགས་མེད
iiif viewer powered by OpenSeadragon
