| e-texts navigator |
| Wylie |
13a1 བཞི་ཐབས་ཀྱིས་འབར་བ་ཡིས།། ཐ་མལ་ཞེན་པ་མི་གནས་ཤིང་།། བྱང་ཆུབ་སེམས་ཀྱིས་གང་བར་བྱེད།། སྒྲོལ་མ་རླུང་གི་ཐབས་ལྡན་པས།། འབར་ནས་རིམ་པར་གནས་བསྐྱོད་པས།། སྟེང་གི་ཐིག
13a2 ལེ་ཞུ་བའི་སེམས།། དངས་མ་ལྔར་ཐིམ་གསལ་བའི་ཚེ།། སྟོང་ཉིད་ནམ་མཁའི་རང་མཚན་ཉིད།། དབང་པོ་ཡུལ་སེམས་ཟློག་པར་འགྱུར།། རང་བྱུང་བཅུད་འདུས་ཐིག་ལེ་ཉིད།། ཐབས་ཀྱིས་ཕྱག་རྒྱས་བཀུག་བྱས
13a3 ནས།། ཐབས་དང་ཤེས་རབ་སྟོབས་ཀྱིས་བཅིངས།། རང་བྱུང་བདེ་བའི་ཉམས་ཤར་ནས།། རང་རང་གནས་སུ་གཏང་བའི་ཚེ།། རླུང་སེམས་ཞེན་འཛིན་གྲོལ་གྱུར་ནས།། སེམས་མཐའ་འགྲོ་འོང་མེད་པའི་ཚེ།། ཡེ
13a4 ཤེས་རྒྱ་མཚོ་གསལ་གྱུར་ནས།། མ་ལུས་བདེ་ཆེན་འབར་བར་གནས།། བདུད་བཞི་མ་ལུས་འཕམ་པ་ཡིས།། ཕྱོགས་མེད་རྒྱལ་བའི་དཀྱིལ་འཁོར་དུ།། ཏིང་འཛིན་གསལ་བར་བྱེད་པར་འགྱུར།། བདེ་བའི་ཐིག་ལེ
13a5 རང་སྣང་བས།། མིང་ཚིག་ཐ་སྙད་བརྗོད་བྲལ་བས།། ཐབས་དང་ཤེས་རབ་ཐབས་མཚོན་པས།། བདེ་ཆེན་རིག་པའི་ཐིག་ལེར་འགྱུར།། ཐུན་མོང་ཁྱད་པར་ཡོ་བྱད་ཀྱིས།། སྔོན་དུ་བྱ་བ་ཀུན་བྱས་ནས།། རང
13a6 གི་ཐབས་ལྡན་རྣལ་འབྱོར་པས།། ཇི་ལྟར་བསྒྲུབས་པ་བཞིན་དུ་འགྲུབ།། སངས་རྒྱས་ཀུན་གྱི་སྐུ་གསུང་ཐུགས།། རང་བྱུང་བདེ་ཆེན་རྒྱ་མཚོ་ནི།། བྱིན་རླབས་ཀུན་གྱི་བདག་ཉིད་པས།། ཀུན་ལ་འཚམས་པ་བཞིན་དུ
iiif viewer powered by OpenSeadragon
