| e-texts navigator |
| Wylie |
10b1 སྐུ་གསུང་ཐུགས་སུ་སྣང་།། ཐབས་ལྡན་ཡེ་ཤེས་རྒྱ་མཚོ་ཡིས།། ཆོས་ཀུན་རོ་གཅིག་ཀུན་གསལ་བ།། རྟོག་དང་མི་རྟོག་ཆ་ལས་འདས།། དེ་ཉིད་མཚོན་པ་མེད་པར་བསྟན།། སངས་རྒྱས་འཁོར་ལོ་ཀུན་འདུས
10b2 པའི།། གསུང་གི་དཀྱིལ་འཁོར་མི་ཟད་པ།། གདུལ་བྱའི་དོན་དུ་ཀུན་བསྒྲགས་པའི།། རང་བྱུང་འཁོར་ལོའི་གསུང་དུ་གསལ།། ཕྱི་ནང་གསང་བའི་མཐར་ཐུག་པ།། སྣོད་བཅུད་རོ་དང་བཅས་པ་ལས།། མི་རྟོག་གསལ
10b3 བར་རང་སྣང་བ།། འཁོར་ལོ་ཀུན་གྱི་གཞིར་གྱུར་པའོ།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གསུང་གི་འཁོར་ལོ་མངོན་དུ་ཕྱུང་བའི་ལེའུ་སྟེ་བཞིའོ།། །། དེ་ནས
10b4 བཅོམ་ལྡན་དགྱེས་ཆེན་པོ།། སངས་རྒྱས་ཀུན་གྱི་རང་བཞིན་དེས།། ཀུན་འབྱུང་སྒྱུ་འཕྲུལ་རྒྱ་མཚོ་ཆེ།། དངོས་གྲུབ་ཆོ་ག་ཡང་དག་གསུང་།། རང་བྱུང་སྒྱུ་འཕྲུལ་དྲ་བ་ནི།། སངས་རྒྱས་ཀུན་གྱི་རང་བཞིན་ཏེ།། གསང
10b5 བའི་ངོ་བོ་ཐབས་ཀྱི་གནས།། དངོས་གྲུབ་ཀུན་གྱི་རྩ་བ་སྟེ།། སེམས་ཉིད་ཀུན་གྱི་རྩ་བ་ཡིན།། དེ་ཉིད་དངོས་མེད་སྙིང་པོ་སྟེ།། ཐམས་ཅད་འབྱུང་བའི་གནས་མཆོག་ཉིད།། མ་བཅོས་སྒྱུ་འཕྲུལ་ཆེན་པོ་ལས།། གཉིས
10b6 མེད་འབྲེལ་པ་དྲ་བའི་དོན།། རོ་གཅིག་གནས་ཀྱི་ཁྱད་པར་ལས།། ཡོན་ཏན་རིན་ཆེན་སྣ་ཚོགས་འཆར།། སངས་རྒྱས་དཀྱིལ་འཁོར་མ་ལུས་པ།། བཞི་བཅུ་རྩ་ལྔར་རང་བཞིན་གནས།། དེ་ཉིད་གྲངས་ལས་འདས་པ
iiif viewer powered by OpenSeadragon
