| e-texts navigator |
| Wylie |
99b1 ཕོ་ཉའི་ལོངས་སྤྱོད་ཡིན།། ཞེས་བརྡུང་ངོ་།། ཧཱུཾ་མཛད་ཆེན་པོའི་རྒྱུད་ལས། བྲོའི་ལེའུ་སྟེ་དགུ་པའོ།། །། འདུས་པའི་སྲས་ཆེན་ཧེ་རུ་དེས།། དབང་གི་རྒྱལ་ལ་འདི་སྐད་གསོལ།། གང་དེ་བསྒྲལ་བའི་ཕུང
99b2 པོའམ།། སེམས་ཅན་ཚེ་ཡི་དུས་བྱས་ནས།། དམྱལ་བའི་གནས་སུ་ལྟུང་བ་ལ།། བྲང་བའི་ཐབས་ནི་ཇི་ལྟར་ལགས།། སེམས་ཉིད་དོན་དེ་ཇི་ལྟར་ལགས།། དབང་ཆེན་ཁྱོད་ལས་བདག་ཉན་འཚལ།། ཞེས་གསོལ
99b3 པས། དབང་གི་རྒྱལ་པོས་བཀའ་སྩལ་པ།། སེམས་ཅན་འདུས་བྱས་འཁྱམས་པ་ལ།། ཡང་དག་རང་གནས་མ་བསྟན་ན།། མ་རྟོགས་རྩོལ་བསྒྲུབ་བྱས་ཀྱང་ཐར་ས་མེད།། ལས་ཀྱི་ཧེ་རུ་ཀ་ཉོན་ཅིག། རང་གི་སེམས
99b4 ཉིད་གདོད་ནས་མ་དག་ན།། འཕྲལ་དུ་ཕྱོགས་ཙམ་བསྒོམ་པས་དག་མི་འགྱུར།། ཐབས་ཀྱི་རྩ་བ་སྙིང་རྗེ་མ་ཤར་ན།། འཕྲལ་གྱི་ཆོས་ཀྱིས་ཡོངས་ལ་ཁྱབ་མི་འགྱུར།། རྒྱུད་ཉིད་དག་པའི་དོན་ཉིད་མ་ཤེས་ན།། འཕྲལ
99b5 གྱི་དམིགས་པས་རང་རིག་གསལ་མི་འགྱུར།། རང་རིག་རྩ་ཡིས་ཡོངས་ལ་མ་གདལ་ན།། འཕྲལ་དུ་འཕྲོ་འདུས་ཉོན་མོངས་དག་མི་འགྱུར།། ཡེ་ནས་བཙལ་མེད་དཀྱིལ་འཁོར་མ་རྟོགས་ན།། འཕྲལ་དུ་ཡུད་ཙམ་རྒྱལ
99b6 བཔབའི་སྐུ་མི་རྫོགས།། ཡིད་ཀྱི་མཆོད་པས་སྟོང་གསུམ་མ་ཁྱབ་ན།། བཤམས་ཙམ་ཕུལ་བས་རྒྱལ་བ་མཉེས་མི་འགྱུར།། དོན་གྱི་བསྙེན་པ་ཁོང་ནས་མ་ཤར་ན།། འཕྲལ་དུ་མཚན་མར་བརྗོད་པས་གྲུབ་པ་མེད།། སེམས
iiif viewer powered by OpenSeadragon
