| e-texts navigator |
| Wylie |
98b1 ཉ་འགྱེད།། སྒྱུ་མའི་གླུས་ནི་དགོངས་རྒྱུད་གསལ།། འབར་བའི་གླུས་ནི་བདུད་བཞི་འདུལ།། ཧཱུཾ་གི་གླུས་ནི་འཕྲོ་འདུ་འཁྲུགས།། གླུ་དྲུག་རྫོགས་པའི་བལྟ་བར་གཞག། བྲོ་དྲུག་རྫོགས་པའི་སྤྱོད་ལམ་བཞི།། གར་གྱི་བྲོ
98b2 བརྡུངས་བྱིན་རླབས་ཆེ།། དབང་གི་བྲོ་བརྡུངས་དུག་གསུམ་འཇོམས།། པདྨའི་བྲོ་བརྡུངས་ཆགས་པ་མེད།། ཁྲོ་བོའི་བྲོ་བརྡུངས་དྲེགས་པ་འཇོམས།། རྟ་བྲོ་འཁོར་གསུམ་སྲིན་པོ་འཇོམས།། འདི་ནི་གསང་ཚིག་ངེས
98b3 པའི་བྲོ།། ཐུགས་མཆོག་གསང་བའི་སྙིང་པོ་ཡིན།། རྒྱལ་བ་ཀུན་དང་མཉམ་སྦྱོར་བས།། དགོངས་རྒྱུད་གསལ་བ་བཞིན་དུ་བསྒོམ།། རྟ་བྲོ་འཁོར་གཅིག་དང་པོ་ལ།། ཁྲོ་བའི་སྤྲིན་གྱིས་དབང་བསྡུས་ནས།། དུས
98b4 གསུམ་རྒྱལ་བས་རོལ་པ་མཛད།། རྟ་བྲོ་འཁོར་གཉིས་བར་མ་ལ།། རྡོ་རྗེ་དབྱིངས་ཀྱི་དཀྱིལ་འཁོར་དུ།། རིགས་ཀྱི་ཡུམ་དང་རོལ་པ་མཛད།། རྟ་བྲོ་འཁོར་གསུམ་ཟ་མ་ལ།། མ་སྲིན་རྒྱ་མཚོ་འཁོར་བསྡུས་ནས།། ཕྲ
98b5 མེན་ཀུན་དང་རོལ་པ་མཛད།། འདི་ནི་སྐུ་གསུང་ཐུགས་ཀྱི་བྲོ།། པདྨ་གསང་བའི་དམ་བསྐངས་ནས།། གདུལ་བྱའི་བྲོ་བཞི་བྱུང་བ་ནི།། ནུབ་ཀྱི་ཕྱོགས་སུ་བྲོ་གཅིག་བྱུང་།། ཀླུ་འབྲུག་འདུལ་བའི་བྲོ་བོ་ཆེ།། ཁ་ཡང
98b6 ནུབ་ཏུ་བལྟ་བྱ་སྟེ།། གྲུ་མོ་གདེངས་ནས་རྐང་པས་བརྡུངས།། ཁ་ནས་སྔགས་ཚིག་འདི་ཡང་བཟླས།། རཱ་ག་ནཱ་ག་རྔུབས་ཡ་རྔུབ་ཡ།། ཀླུ་རྣམས་ཀུན་ཀྱང་ཞབས་ཀྱིས་བཙིར།། གདུལ་བྱའི་བྲོ་གཅིག་བྱང་དུ
iiif viewer powered by OpenSeadragon
