| e-texts navigator |
| Wylie |
98a1 ཆེན་པོ་གསུམ་ཡོད་དེ།། དབུས་ཀྱི་རྩ་ཆེན་དང་ནི་གཡས་གཡོན་ནོ།། དེ་ལས་གྱེས་པའི་རྩ་ཆེན་བཞི།། བདུད་སྒོ་ལྷག་རྩ་ནག་པོ་དང་།། རྩ་ཆེན་མཁལ་མ་རྩ་ཆེན་དང་།། པུས་དང་གྲི་གུག་རིམ
98a2 པའོ།། དེ་ལས་ཆང་ཕྲ་རྩ་གྱེས་ཏེ།། དེ་ལ་ཕྱིའི་སྒོ་བཞི་དང་། ནང་གི་སྒོ་བཞི་དང་། གསང་བ་དང་། ཚངས་པ་གཉིས་ཏེ་བཅུ་པའོ།། དེ་ལ་རིམ་པར་བྱ་ཞིང་བརྡ། ཞེས་གསུངས་སོ།། ཧཱུཾ་མཛད་ཆེན་པོའི་རྒྱུད
98a3 ལས། སྤྱན་ནས་མཁའ་འགྲོ་རྩ་ཁྲོ་མ་དང་རྩའི་དམིགས་བསྟན་པའི་ལེའུ་སྟེ་བརྒྱད་པའོ།། །། དེ་ནས་མ་དད་པའི་དགྲ་བགེགས་ནི་བསྒྲལ་ཅིང་ཚར་གཅད། སྒྲིབ་པ་སྦྱང་བའི་ཕྱིར། ཐུགས་རྗེ་ཆེན་པོ་དྲག་ཤུལ
98a4 གྱིས་གདུལ་བ་མཛད། བདུད་སྡེ་དཔུང་གིས་བཏུལ། རྒྱལ་ཆེན་ཐབས་ཀྱིས་བཏུལ། ཀླུ་ཆེན་རྫུ་འཕྲུལ་གྱིས་བཏུལ། ཐེ་བྲང་ལིངས་སུ་བཏབ་བོ།། གདུལ་ཐབས་བཞི་མཛད་དོ།། དེ་ནས་ཐུགས་རྗེ་ཤུགས་ཀྱིས
98a5 བསྒྲལ་བའི་བྲོ་བརྡུངས་ཏེ། གཟི་ལྡན་འབར་བའི་དཀྱིལ་འཁོར་ནས།། དབང་གི་སྐུ་གཅིག་བཞུགས་པ་ལ།། དགྱེས་པ་མདངས་ཀྱི་མཆོད་པ་འབུལ།། ཕྱི་མཆོད་རྡོ་རྗེའི་ཚིག་དྲུག་པོ།། གླུ་ཡང་དྲུག་ལ་བྲོ་ཡང
98a6 དྲུག། གླུ་དྲུག་གསང་བའི་དབྱངས་དང་སྦྱར།། གླུ་དྲུག་དབྱངས་སུ་བླངས་པ་ནི།། གྲུབ་པའི་གླུས་ནི་ཐུགས་རྗེ་བསྐུལ།། ཚངས་པའི་གླུས་ནི་ཞིང་ཁམས་སྦྱོང་།། གདུང་བའི་གླུས་ནི་མ་སྲིང་མཉེས།། ལས་ཀྱི་གླུས་ནི་ཕོ
iiif viewer powered by OpenSeadragon
