| e-texts navigator |
| Wylie |
96a1 བྱའོ།། འདི་ནི་རྦད་པའི་སྙིང་པོའོ།། རཀྵ་ཁ་ལ་ཛ་དུར་ལིང་སྲོག་ལ་ཡཾ་ཁུག་རིལ་དབུགས་ལོང་རྦ་ན་རྦད་ཡ་ཞུང་ཏྲི་ཡཾ་ཡཾ། ཞེས་པ་དང་རྦད་པར་བྱའོ།། ཧཱུཾ་དཔལ་གྱི་ཕོ་ཉ་ཆེན་མོ་སྟེ།། དཔལ
96a2 ཆེན་ཐུགས་ལས་སྐྱེས་པའི་ཕོ་ཉ་མོ།། ཡེ་ཤེས་ཐུགས་ཀྱི་ཁྱི་བརྒྱད་ཡིན།། ཞབས་ནི་རླུང་གི་འཁོར་ལོ་ཡིན།། སྙན་ནི་སྒྲ་རྣམས་ཀུན་ལ་གསལ།། ཤངས་ནི་དུག་གསུམ་དྲི་མ་སྣོམས།། ཞལ་ནི་བདུད་བཞི་རྔུབ་པར
96a3 བྱེད།། མིག་ནི་ཉི་ཟླ་འོད་དུ་འབར།། མཇུག་མ་ལྕགས་ཀྱུས་ཉམས་པ་འཛིན།། ཁ་ནས་མི་ཡི་སྐྱུགས་པ་སྐྱུགས།། རྒྱུག་པའི་སྟོབས་ནི་སྦྱང་མོ་འདྲ།། ཁྱེད་ནི་བསྒྲུབ་པ་ལས་ཀྱི་བྱ་ར་མཛད།། ཕྱོགས་བཞི་མཚམས
96a4 བཞིར་རྒྱུག་པའི་ཚེ།། ཕྱོགས་སྐྱོང་བདུད་རྣམས་རྡུལ་དུ་རློག། བཅོལ་བའི་ལས་ཀུན་བསྒྲུབ་པར་གྱིས།། དབང་གི་ཞིང་ཁམས་ཆེན་པོ་སྐྱོང་།། ཞེས་བསྐུལ་ཞིང་ལས་བྱའོ།། ཧཱུཾ་མཛད་ཆེན་པོའི་རྒྱུད་ལས། དཔལ་གྱི་ཁྱི
96a5 བརྒྱད་བསྒྲུབ་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་ཀྱི་ཐུགས་ཀ་ནས།། མི་ཡི་ལུས་ལ་ཁྱིའི་ཆ་བྱད་ཅན། ཁྱི་དང་ཆས་པ། རྟ་དབུ་ལ་མིའི་ལུས་ལ་རྟ་མགོ་ཅན་རྟ་དང་ཆས་པ། གཤོག་པ་ལས་མིའི
96a6 ལུས་ལ་བྱའི་མགོ་ཅན་བྱ་དང་ཆས་པ། ཞབས་ལས་མིའི་ལུས་ལ་ཕག་གི་མགོ་ཅན་བྱུང་ངོ་།། དེ་བཞིས་མ་དད་གདུག་པ་འདུལ་བར་བྱེད།། དེ་ཡི་སྒྲུབ་པ་བསྟན་པ་ནི།། རྦད་ཅིང་ལས་ཀུན་བྱེད་པའོ།། གཅན་གཟན
iiif viewer powered by OpenSeadragon
