| e-texts navigator |
| Wylie |
94b1 བཏུང་བ་དེ་བཞིན་བྱ།། གསུང་གི་ཡན་ལག་སྟོབས་སུ་འགྱུར།། རྟག་ཏུ་ཡི་དམ་འབའ་ཞིག་བསྒྲུབ།། དེ་ཡི་ནུས་པའི་མཐུ་དག་གིས།། བདུད་སྡེ་འཁོར་བཅས་ཟིལ་གྱིས་གནོན།། བྱང་ཆུབ་འབྲས་བུ་ཐོབ་པར
94b2 འགྱུར།། དེ་ཡི་ཡོན་ཏན་དཔག་ལས་འདས།། དེ་ཕྱིར་སྤྱི་རུ་བསྒྲུབ་པའོ།། སྒོས་སུ་བསྒྲུབ་པར་བསྟན་པ་ནི།། རྟ་ཡི་རྒྱལ་པོ་གཅིག་ཏུ་བསྒྲུབ།། དཀྱིལ་འཁོར་ཟླ་གམ་སྒོ་གཅིག་པ།། ལྷ་ནི་ཞལ་གཅིག་ཕྱག་གཉིས་རྒྱན
94b3 གཅིག་པ།། དབུ་ཡི་གཙུག་ཏུ་རྟ་མགོ་གཅིག། དམར་པོ་རལ་པ་འཁྱིལ་བའོ།། གཡས་ན་སྟ་རེ་གཡོན་པ་སྦྲུལ་ཞགས་བསྣམས།། གླང་ཆེན་ཀོ་རློན་ཞིང་གི་གཡང་གཞི་གྱོན།། སྟག་ལྤགས་སྨད་དཀྲིས་འོག་སླ་འདོམས
94b4 བསྡུས།། མི་བཟད་མཆེ་གཙིགས་སྟག་གི་ཁྲི།། དམར་པོ་ཧཱུཾ་ལ་སྔགས་འདི་བརྗོད།། དེ་ཡིས་རྟ་མཆོག་མགྲིན་དུ་བསྐྱེད།། ཨོཾ་ཡོད་པ་ཨེ་ཡིན། པདྨ་ཤྲཱི་རཱ་ག་ཧ་ཡ་ཧྲི་ད་ར་དྷི་པ་ཨེ་ཡིན་ཧཱུཾ་ཕཊ། ཡིག་འབྲུ་བཅུ་གཉིས་པའོ།། སྟོང
94b5 པའི་ངང་ལས་ཡི་གེ་ཧཱུཾ།། དེ་ལས་སྔགས་བརྗོད་རྟ་མགྲིན་བསྐྱེད།། སྤྱན་དྲང་བསྐྱེད་པ་དེ་ལ་བསྟིམ།། གཉིས་མེད་དེ་ལ་ཕྱག་འཚལ་མཆོད་པའོ།། སྨན་དང་རཀྟ་གཏོར་མས་མཆོད།། བསད་དང་གསོ་བའི་ལས་འདི
94b6 བཅོལ།། སྲིད་པའི་མ་མོ་བཏུལ་བའི་ལས་ལ་རྦད།། ཅེས་གསུངས་སོ།། ཧཱུཾ་མཛད་ཆེན་པོའི་རྒྱུད་ལས། སྤྱི་དང་ཡི་དམ་བྱ་ཞིང་བསྲུང་བ་དང་ནུས་པའི་ལེའུ་སྟེ་བཞི་པའོ།། །། དེ་ནས་སྟོན་པས་བཀའ་སྩལ
iiif viewer powered by OpenSeadragon
