| e-texts navigator |
| Wylie |
94a1 འཁོར་བ་གཏན་ནས་སྒྲོལ།། བདུད་དང་སྲིན་པོ་ཀླུ་རྣམས་ཟིལ་གྱིས་མནན།། དབང་གི་མཛད་པ་དེ་ལྟར་མཛད།། དེ་ལྟར་སྤྱོད་པ་འདི་ལྟར་སྤྱོད།། སྔགས་ཀྱི་བྱིན་རླབས་འདི་ལྟར་འབྱུང་།། དེ་ཕྱིར་ཏུ
94a2 ལུ་བསྙེན་པའི་མཆོག། ཅེས་གསུངས་སོ།། ཧཱུཾ་མཛད་ཆེན་པོའི་རྒྱུད་ལས། བཟླས་བརྗོད་སྔགས་ཀྱི་ལེའུ་སྟེ་གསུམ་པའོ།། །། དེ་ནས་སྲས་ཀྱི་ཧེ་རུ་དེས།། དབང་གི་རྒྱལ་ལ་འདི་སྐད་གསོལ།། དབང་གི་རྒྱལ་པོ
94a3 ཧེ་རུ་ཀ། སྟོན་པ་མཆོག་ལ་བདག་ཉན་འཚལ།། སྒོས་སུ་བསྒྲུབ་ན་ཇི་ལྟར་བགྱི།། སྤྱི་ཡི་བསྒྲུབ་པ་ཇི་ལྟར་སྤྱད།། བསད་གསོའི་ལས་ནི་དུ་ཡི་བསྟན།། ལས་ཀྱི་མཐའ་འདི་གང་ལ་གསུང་།། ཞེས་གསོལ་ཏོ།། དེ་ནས
94a4 དབང་གི་རྒྱལ་པོས་བཀའ་སྩལ་པ།། ཉོན་ཅིག་སངས་རྒྱས་མང་པོ་འདུས་པའི་སྲས།། སྤྱི་རུ་བསྒྲུབ་པ་བསྟན་པ་ནི།། རྩ་བའི་དཀྱིལ་འཁོར་དེ་དག་ལ།། དེ་ལ་ངེས་པར་བསྒྲུབ་པར་བྱོས།། བྲིས་པའི་སྐུ་གཟུགས་དག
94a5 ལ་བརྟེན་བཅས་ནས།། དེ་ལ་ཕྱག་བཅས་བསྒྲུབ་པར་བྱ།། དམ་ཚིག་མ་ནོར་གཞུང་དུ་བསྲུང་།། མཆོད་པ་དུས་གསུམ་དག་ཏུ་མཆོད།། སྔགས་དང་སྙིང་པོ་ལྷ་རྣམས་ཀུན།། ཡིད་ལ་མ་ནོར་དྲན་པར་བྱ།། འདོད
94a6 ཆགས་ཅན་གྱི་བུད་མེད་ལ།། དེ་ལ་སྨད་པར་བྱ་བ་མིན།། ཁྲག་ཆགས་ཤིང་ཡང་གཅད་མི་བྱ།། དམར་པོའི་རིགས་ལ་སྨད་མི་བྱ།། པདྨའི་ཕྱག་རྒྱ་བཅའ་བར་བྱ།། གསུང་གིས་སྒྲ་སྙན་གདོན་པར་བྱ།། དབྱིངས་དང
iiif viewer powered by OpenSeadragon
